یہ بات عام ہے کہ زیادہ سبزیاں کھانا طویل اور صحت مند زندگی کا راز ہے۔ لیکن اب اس دعوے کی نفی سامنے آگئی ہے۔

برطانیہ میں ہونے والی ایک اہم تحقیق میں یہ دعویٰ کیا گیا ہے کہ زیادہ سبزیاں کھانا امراضِ قللب کو دور رکھنے میں آپ کی مدد نہیں کرے گا۔

آکسفورڈ یونیورسٹی کے محققین نے 4 لاکھ برطانیوں کے ڈیٹا کا جائزہ لیا، جن کا مطالعہ پچھلے 12 سال سے کیا جارہا تھا۔

اس دوران 18 ہزار افراد میں بڑے دل کے مسائل پیدا ہوئے جیسے کہ دل کا دورہ یا فالج۔

شرکاء سے پوچھا گیا کہ وہ روزانہ کتنی سبزیاں کھاتے ہیں اور اس کا موازنہ دل کے مرض کی شرح سے کیا گیا۔

وہ پورا گروپ جو کچی سبزیاں زیادہ کھاتا تھا ان کو امراضِ قلب میں مبتلا ہونے کے خطرات اس گروپ کی نسبت جو کم سبزیاں کھاتا تھا سے15 فی صد کم تھے۔

پکی ہوئی سبزیوں کے متعلق معلومات بھی کچی سبزیوں کے جیسی ہی تھی۔

مطالعے سے نتیجہ اخذ کیا گیا کہ زیادہ سبزیاں جیسے کہ بروکولی، گاجریں اور مٹر کا کھایا جانا اپنے اندر امراضِ قلب سے حفاظت کے لیے کوئی مؤثر چیز نہیں رکھتا۔

جرنل فرنٹیئر آف نیوٹریشن میں شائع ہونے والی رپورٹ میں بتایا گیا کہ سبزیاں کھانے اور دل کی صحت میں کوئی تعلق ہے تو وہ اس لیے ہے کہ جو زیادہ سبزیاں کھاتے ہیں وہ زندگی کے دیگر پہلوؤں میں صحت مند ہوتے ہیں۔