عالمی ادارہ صحت کا کہنا ہے کہ گزشتہ ہفتے دنیا بھر میں کورونا وائرس کے کیسز کی تعداد میں گزشتہ سے پیوستہ ہفتے کی نسبت 17 فی صد کمی واقع ہوئی ہے۔

عالمی ادارہ صحت کے مطابق امریکا میں کیسز کی تعداد میں 50 فی صد کمی واقع ہوئی ہے جبکہ دنیا بھر میں اموات کی شرح میں 7 فی صد کمی ہوئی ہے۔

اقوامِ متحدہ کی صحت کی ایجنسی کی جانب سے جاری ہونے والی وباء کے متعلق ہفتہ وار رپورٹ میں بتایا گیا ہے کہ اومیکرون ویریئنٹ اس دورانیے میں غالب رہا۔ دنیا بھر سے شمار کیے گئے تمام کیسز میں 97 فی صد کے قریب کیسز اومیکرون کے تھے۔ جبکہ 3 فی صد سے زرا زیادہ کیسز ڈیلٹا ویریئنٹ کے تھے۔

عالمی ادارہ صحت کا کہنا تھا کہ اومیکرون ویریئنٹ کے پھیلنے میں عالمی سطح پر اضافہ ہوا ہے اور اب اس کی تشخیص تقریباً سب ہی ممالک میں ہوئی ہے۔

ادارے کی جانب سے مزید کہا گیا کہ تاہم، کئی مملک جنہوں نے شروع میں اومیکرون ویریئنٹ کی وجہ سے کیسز کی تعداد میں اضافہ رپورٹ کیا تھا، وہ اب جنوری 2022 کے شروع سے نئے کیسز کی کُل تعداد میں کمی رپورٹ کر رہے ہیں۔

عالمی ادارہ صحت کے مطابق 31 جنوری سے 6 فروری کے ہفتے کے دوران کووڈ-19 کے 1.9 کروڑ سے زائد کیسز رپورٹ ہوئے اور 68 ہزار سے کم اموات ہوئی۔

مشرقی میڈیٹیرین زون، جہاں کیسز میں 36 فی صد اضافہ ہوا، کے ساتھ افغانستان، ایران اور اردن کے علاوہ عالمی ادارہ صحت کے سب چھ خطوں مین کیسز کی تعداد نیچے آئی ہے۔