مسکراہٹ شخصیت کا آئینہ ہوتی ہے اور اگر دانتوں کی الائمنٹ نہ ہویعنی وہ سیدھ میں یا ترتیب میں نہ ہوتو یہ یہ مسکراہٹ ماند پڑجاتی ہے۔

دیکھا گیا ہے کہ اکثرلوگوں میں دانتوں کے درمیان فاصلہ یا خلا ہوتا ہے جو کبھی تو وقت سے ساتھ پر ہوجاتا ہے لیکن کچھ میں یہ وقت کے ساتھ مزید بڑھنے لگتا ہے۔ اس گیپ کو بند کرنے لئے لوگوں کی اکثریت ڈینٹس کا رخ کرتی ہیں جہاں کئی طرح کی ٹریٹمینٹ کئے جاتے ہیں، ان ہی میں ایک ٹوتھ فلرٹریٹمنٹ بھی شامل ہے۔

یہ ٹوتھ فلرٹریٹمنٹ مختلف دندان ساز دانتوں کے خلا کو دیکھتے ہوئے اپنے حساب سے کرتے ہیں اور جس کی قیمت بھی مختلف ہوتی ہے۔ یہ بات تو سب ہی جانتے ہیں کہ دانتوں کا علا ج ویسے ہی کافی مہنگا ہوتا ہے لیکن حال ہی میں دانتوں کے درمیان خلا کو پر کرنے کے لئے دندان ساز کی جانب سے سستا ترین ٹریٹمنٹ متعارف کروایا گیا ہے جس میں دانتوں کے درمیان فاصلے کوختم کرنے کے لئے اینیمل شیٹ اور فلورائڈ کا مکسچر استعمال کیا جاتا ہے ساتھ ہی اس میں مزید کچھ دوائیاں بھی شامل کی جاتی ہیں۔

 اسے دانتوں پر لگا کر اس کی تراش خراش کی جاتی ہے اور ایسا محسوس ہوتاہے کہ یہ آپ کا حقیقی دانت ہو۔ اس ٹریٹمنٹ کے بعد آپ کے دانت صاف ہوکر چمکنے لگتے ہیں اور ان کی سفیدی بھی بڑھ جاتی ہے۔

اس ٹریٹمنٹ کے بعد دانتوں میں واضح فرق محسوس ہوتا ہے جبکہ کچھ لوگ خوبصورت نظر آنے کے لئے یہ فلر ٹریٹمنٹ کرواتے ہیں۔

اس طرح کا ٹریٹمنٹ شوبز سے تعلق رکھنے والوں میں کافی مشہور ہے وہ اسے اپنی خوبصورت بڑھانے کے لئے کرواتے ہیں۔

جہاں تک اس ٹریٹمنٹ کی قیمت کی بات ہے یہ 2 سے 5 ہزار کے درمیان ہے یعنی اتنی کم قیمت میں دانتوں کے درمیان گیپ فلر آسانی سے لگ سکتا ہے تاہم اس کے لئے کسی مستند ڈینٹس کی خدمات حاصل کرنی چاہئے تاکہ بعد میں ہونے والی ممکنہ پیچیدگیوں جیسے سوجن آنا سے بچا جا سکے۔