برطانیہ میں نورو وائرس کے حوالے انتباہ جاریبول نیوز

برطانیہ میں نورو وائرس کے حوالے انتباہ جاری

ویب ڈیسک

29th Mar, 2022. 12:11 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں نورو وائرس کے حوالے انتباہ جاری

نیشنل ہیلتھ سروس اسپتالوں نے برطانیہ بھر نورو وائرس کے پھیلنے کے متعلق انتباہ جاری کیا ہے۔

نورو وائرس کے پھوٹنے سے اسپتالوں پر کووڈ کی وجہ سے بنے ہوئے دباؤ میں مزید اضافہ ہو رہا ہے۔

گزشتہ دو ہفتوں میں این ایچ ایس ٹرسٹ نے نورو وائرس کے اسپتالوں پر اثرات کے متعلق ایک انتباہ نامہ جاری کیا ہے جس کے مطابق مریضوں میں اس وائرس کی علامات کی وجہ سے 403 بیڈ زیر استعمال آگئے ہیں۔

ساؤتھ پورٹ اور اورمسکرک ہاسپٹل فاؤنڈیشن ٹرسٹ نے لوگوں کو گزشتہ ہفتے خبردار کیا ہے کہ اگر انہیں کووڈ ہو یا ان کا پیٹ خراب ہو تو وہ اسپتالوں سے دور رہیں کیوں کہ اسپتالوں کا عملہ بڑھتے کووڈ کیسز اور نورو وائرس سے متعلقہ علامات سے نمٹنے میں لگا ہوا ہے۔

اسکاٹ لینڈ میں این ایچ ایس گریمپین ڈاکٹر گرے کے اسپتال کی ایک پوسٹ کے مطابق ایلجِن میں چار وارڈز کو بند کرنا پڑا کیوں کہ اس کے عملے کے 23 لوگ اور مریض اس وباء سے متاثر تھے۔

7 مارچ کو والسال ہیلتھ کیئر ٹرسٹ کا کہنا تھا کہ وہ لوگ جو والسال مینر ہاسپٹل میں اپائنٹمنٹ لے کر آئے ہیں یا مریضوں کی عیادت کرنے آئے ہیں، حالیہ صورتحال کے تحت اگر انہیں بیماری اور ہیضہ ہے تو وہ اسپتال سے دور رہیں۔