سائنس دانوں نے ایک نیا ایلگوردم بنایا ہے جس کے متعلق ان کا کہنا ہے کہ ٹوئٹر صارفین میں 90 فی صد درستگی کے ساتھ ڈپریشن کی نشان دہی کر سکتا ہے۔
جرنل آئی ای ای ای ٹرانزیکشنز آن افیکٹِیو کمپیوٹنگ میں بتایا گیا الگوردم ایک ٹوئٹر صارف کی پبلک پروفائل سے 38 ڈیٹا پوائنٹس کا تجزیہ کرتے ہوئے اس کی ذہنی کیفیت کا تعین کرتا ہے۔ ان پوائنٹس میں ان کی پوسٹ کا مواد، پوسٹنگ کے اوقات اور اس کے سوشل سرکل میں موجود دیگر صارفین شامل ہیں۔
تحقیق کے شریک مصنف اور برونیلز انسٹیٹیوٹ آف ڈیجیٹل فیوچر کے ڈائریکٹر عبدالصدقہ نے ایک بیان میں کہا کہ محققین نے ایلگوردم کو دو بڑے ڈیٹا بیسز پر آزمایا اور نتائج نے دیگر ڈپریشن کی نشان دہی کی تکنیک کے خلاف بینچ مارک طے کیا۔ تمام کیسز میں محققین نے موجودہ تکنیکوں کو درستگی کے اعتبار سے شکست دی۔
سائنس دان کا کہنا تھا کہ دنیا بھر میں ڈپریشن کے ممکنہ مریضوں کی بڑی تعداد متعدد وجوہات کی وجہ سے پیشہ ورانہ مدد نہیں لیتی جس میں معاشرتی دباؤ یا ان کی ذہنی صورت حال کے حوالے سے لاعلمی شامل ہے۔ جس کی وجہ سے مرض کی شناخت اورعلاج میں تاخیر ہوتی ہے۔
گزشتہ تحقیق میں بتایا گیا تھا کہ سوشل میڈیا ڈیٹا افراد کی ذہنی اور جسمانی صحت کے حوالے اہم اشارے فراہم کرسکتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
