برطانوی محققین کا کہنا ہے کہ ایک کووڈ-19 مریض اپنی موت سے قبل 505 ایام تک کورونا مثبت رہا، جو اب تک کا سب سے طویل مدتی کورونا وائرس انفیکشن ہے۔

اس سے قبل سب سے طویل مدت انفیکشن 335 روز تک کا تھا۔

اکثر لوگ جن کو کورونا وائرس ہوتا ہے وہ قدرتی طور پر صحت یاب لیکن مذکورہ بالا مریض کی قوتِ مدافعت انتہائی کمزور تھی اور مختلف بیماریوں کا شکار تھے۔

ان میں پہلے علامات اور کورونا مثبت 2020 کے ابتداء میں سامنے آیا اور 2021 میں موت سے قبل کئی بار ان کا ٹیسٹ مثبت آیا۔

محققین، جنہوں نے لندن میں نو کووڈ مریضوں میں وائرس کا مطالعہ کیا، نے یہ ثبوت بھی پیش کیے کہ نئے کووڈ ویریئنٹ ان افراد کو ہوئے جن کی قوتِ مدافعت کمزور تھی۔

یورپی کانگریس آف کلینیکل مائیکروبائیولوجی اینڈ انفیکشیس ڈِیزیز میں تفصیلات پیش کرتے ہوئے محققین نے بتایا کہ سب سے پہلا پُراسرار کووڈ انفیکشن- جس میں منفی رپورٹ آنے سے سمجھا جاتا تھا کہ انفیکشن ختم ہو گیا ہے لیکن بعد ازاں یہ معلوم ہوا کہ وہ انفیکشن باقی تھا۔

کِنگز کالج لندن اور گائیز اور سینٹ تھامس این ایچ ایس فاؤنڈیشن ٹرسٹ کے محققین کی ٹیم کی اس بات میں دلچسپی تھی کہ کمزور قوتِ مدافعت والے افراد میں وائرس وقت کے ساتھ کیسے بدلا۔