روزے کیلئے ماہرین کی تجویز ہے افطار میں پروٹین سے بھرپورغذاؤں کا استعمال کیا جائے۔

پروٹین کے استعمال سے دیر تک بھوک نہیں لگتی کیونکہ پروٹین ہضم ہونے میں وقت لیتا ہے۔

سحری کے وقت کوشش کریں کے ایک پیالی دہی یا 2 سے تین گلاس دودھ اور دہی سے تیار لسی کا استعمال لازمی کریں، سحری کے اوقات میں انڈہ بھی غذا کا حصہ بنایا جا سکتا ہے۔

پروٹین کا استعمال بھی صحت کے لئے نقصان دہ ہے اس میں توازن برقرار رکھنا ضروری ہے، اس کے لئے پروٹین سے بھر پور غذاؤں کے ساتھ کاربو ہائیڈریٹس اور فائبر کی مقدار لینا بھی ضروری ہے۔

غذائی ماہرین کی تحقیق کے مطابق اگرآپ پروٹین ڈائیٹ پر ہیں تو گوشت کے ساتھ کچی سبزیوں کی شکل میں سلاد کا استعمال بھی لازمی کریں اور پانی استعمال بھی زیادہ سے زیادہ کریں،ایک وقت کی غذا میں مکمل گوشت کا استعمال بھی مضر صحت ہے۔

ماہرین کا کہنا ہے دن میں اگر گوشت استعمال کیا جارہا ہے تو دوسرے دال کا استعمال کریں۔

پروٹین کی اقسام اور ذرائع

پروٹین کی دو طرح کی اقسام ہیں جن میں ’اینیمل پروٹین‘ یعنی کے حلال جانوروں کے گوشت جیسے کہ گائے، بھینس، مرغی مچھلی، دودھ اور انڈوں سے حاصل کیے جانے والا جبکہ دوسرا ’پلانٹ پروٹین ‘ جس میں دالیں، جو، سبزیاں، پھلیاں اور خشک میوہ جات شامل ہیں۔

رمضان کے دوران پروٹین سے بھر پور غذا حلیم سے بھی خوب فائدہ اٹھایا جا سکتا ہے، رمضان کے دوران حلیم کھانا مفید ثابت ہوگا، اس دوران ساتھ میں سلاد کا استعمال کرنا نہ بھولیں۔