عالمی ادارہ صحت کے نئے اندازے کے مطابق شروع کے دو سالوں میں کووڈ-19 سے ہلاک ہونے والوں کی تعداد ڈیڑھ کروڑ کے قریب رہی- یعنی عالمی سطح پر ہر 500 افراد میں سے ایک شخص اس وائرس کا شکار بنا۔

جنیوا میں قائم ہیلتھ ایجنسی کا کہنا تھا کہ یہ اعداد و شمار 2020 اور 2021 میں جاری کیے جانے والے اعداد و شمار سے کہیں زیادہ ہیں، جس میں عالمی وباء سے بالواسطہ اور بلا واسطہ اموات دونوں شامل ہیں۔

عالمی ادارہ صحت کا تازہ ترین تخمینہ، انفرادی حکومتوں کی رپورٹس میں بتائی جانے والی 62 لاکھ اموات کی تعداد سے دُگنے سے زیادہ ہے۔

ادارے کے ڈائریکٹر جنرل ٹیڈروس اڈیہینم گیبرییسس نے ایک بیان میں کہا کہ یہ سنجیدہ ڈیٹا صرف عالمی وباء کے اثرات کی جانب اشارہ نہیں کر رہا بلکہ تمام ممالک کی مزید مضبوط صحت کے نظام کی ضرورت کو بھی دِکھا رہا ہے جو بحران کے دوران بنیادی صحت کی سروسز جاری رکھ سکے۔

اس تعداد کا حساب کتاب تمام ہونے والی اموات اور معمولی حالات کے دوران کتنی اموات متوقع ہوتیں کے درمیان فرق سے لگایا گیا۔

نیو یارک ٹائمز کے مطابق اضافی 90 لاکھ اموات کے ایک تہائی حصے سے زیادہ اموات کے متعلق اندازہ لگایا گیا ہے کہ وہ بھارت میں ہوئی ہیں۔

نریندر مودی کی حکومت ابھی بھی اپنے 5 لاکھ 23 ہزار 900 اموات کی تعداد پر ثابت قدم ہے۔

ٹائمز کے مطابق دیگر مملک، جیسے کہ انڈونیشیا اور مصر، بھی وباء سے ہونے والی اموات کی تعداد کم بتا رہے ہیں۔