خواتین میں عمر بڑھنے کے ساتھ کئی طرح کے امراض جنم لینے لگتے ہیں تاہم متوان غذا، بھرپور نیند، ذہنی دباؤ سے دوری اور باقائدہ ورزش سے انہیں کم کیاجاسکتا ہے ان امراض میں اوسٹوپروسیس اور چھاتی کا سرطان سب سے عام ہیں۔

 چھاتی کا سرطان خواتین میں سب عام کینسر میں سے ایک ہے۔ کہا جاتا ہے کہ ہر آٹھ میں سے ایک عورت کو زندگی میں چھاتی کے سرطان ہونے کا خدشہ رہتا ہے۔ چھاتی کے سرطان میں جہاں دیگر عوامل اس کے ہونے کا سبب بنتے ہیں وہی غذا بھی اس کا ایک اہم عنصر ہے۔

چھاتی کے کینسر کو کم کرنے اور تشخیص ہونے پر فوری علاج کو یقینی بنانے کے لیے محققین کی جانب سے ایک نئی تحقیق شائع کی گئی ہے۔ جن سے یہ بات سامنے آئی ہے کہ فلیکس سیڈ یعنی السی کے بیج اس ضمن میں اہم کردار ادا کر سکتے ہیں۔

سائنسدانوں کا دعویٰ ہے کہ السی کے بیج کھانے سے چھاتی کے سرطان کے خطرے کو کم از کم 40 فیصد تک کم کیا جا سکتا ہے۔

السی کے بیج اس مرض کو روکنے میں کس طرح مدد گارثابت ہوسکتے ہیں؟

السی کے بیجوں میں فائبر، اومیگا تھری فیٹی ایسڈ اور لگنن نامی جزو موجود ہوتا ہے۔ مطالعات کے نتائج سے یہ بات سامنے ہے کہ لگنن نامی یہ جز چھاتی کے سرطان سے بچاؤمیں اہم کردار ادا کرتا ہے۔

السی کے بیجوں میں یہ جز کثرت سے پایا جاتا ہے اور اسے فائٹو اسٹروجن کے طور پر درجہ بند کیاجاتا ہے۔ جب یہ فائٹواسٹروجن جسم میں داخل کروہاں اسٹروجن سے مل جاتا ہے جو ایک خواتین کے جنسی ہارمون اور سرطان سے بچانے میں مدد کرنے کے لئے جانا جاتا ہے۔

تحقیق

جرمن محققین نے ایک مطالعہ کیا اورجس میں 1 ہزار سے زائد ایسی خواتین کو شامل کیاگیا تھا جنہیں پری مینوپاز کے دوران چھاتی کا سرطان تشخیص ہوا تھا۔ ان خواتین کے خون کے نمونوں کا تجزیہ 3 ال تک کیا گیا کیا۔ ان محققین نے انٹرولیکٹون کی سطحوں کا تجزیہ کیا، جو آنتوں میں داخل ہونے کے بعد فائٹوسٹروجن بن جاتے ہیں۔

نتائج سے پتہ چلا کہ ان خواتین کی شرح اموات میں کمی واقع ہوئی ہے جس میں انٹرولیکٹون کی سطح سب سے زیادہ تھی بہ نسبت ان کے جن میں یہ سطح کم تھی۔

اس سے یہ بھی ظاہر ہوتاہے انٹرولیکٹون کی ایک اعلی سطح، ثانوی ٹیومر کی تشکیل اور کینسر کے پھیلاؤ کے خلاف اسی طرح کی حفاظت پیش کرتی ہے۔

نتیجہ

اس تحقیق کے نتائج جرنل آف کلینیکل آنکولوجی میں شائع ہوئے ہیں اور یہ دعویٰ کیا گیا کہ فائٹو ایسٹروجن اپنی ہارمونل خصوصیات کی وجہ سے خون کی نئی شریانوں کی نشوونما کو روک کر اور کینسر کے خلیات کو ختم کر کے سرطان کو روکنے میں مدد کرتا ہے۔

ہائیڈل برگ میں جرمن کینسر ریسرچ سینٹر سے تعلق رکھنے والی اس تحقیق کی مصنفہ جینی چانگ کلاؤڈ نے بتایا کہ لِگنن مینوپاز کے بعد چھاتی کے سرطان کے خطرے کو کم کرنے میں معاون ثابت ہوتا ہے۔