صحت مند رہنے کے لئے جہاں اچھی خوراک لازم ہے وہی صحت و صفائی کا خیال رکھنا بھی بے حد ضروری ہے اگر جسم کی مناسب صفائی نہیں کی جائے گی تو گرد اور جراثیم کی وجہ یہ کئی بیماریوں کا شکار ہوجائے گا۔

صحت مند رہنے کے لئے ویسے تو روزانہ نیم گرم پانی سے نہانا چاہئے لیکن اگر اس میں سیب کا سرکہ شامل کر لیا جائے تو یہ اس پانی کی افادیت کو کئی گنا بڑھا دیتا ہے۔

نہانے کے پانی میں 1 کپ سیب کا سرکہ شامل کریں، اور ہفتے میں 1 سے 2 بار اس پانی سے نہانا آپ کو درج ذیل فوائد پہنچاتا ہے۔

پی ایچ کی سطح

سرکہ میں قدرتی طور پر تیزابیت پائی جاتی ہے اس طرح اس سے نہانا جلد کے پی ایچ کی سطح کو توازن میں رکھتا ہے، ساتھ ہی اس میں موجود صحت بخش اجزء ہاضمے میں مدد فراہم کرتے ہیں۔ اس کے یہ علاوہ یہ جوڑوں کے درد میں کمی کا باعث بھی بنتا ہے۔

جلدی بیماریوں میں مفید

نہانے کے پانی میں موجود سیب کا سرکہ اینٹی بیکٹیریل اور زخم مدمل کرنے کی خصوصیات سے مالا مال ہوتا ہے یہ جلد پر سوزش میں کمی لاکر بیکٹیریا سے ہونے والے انفیکش کو دور کرنے میں اہم کردار ادا کرتا ہے۔

اسی طرح سورج سے جھلسی جلد کے لئے اس پانی سے نہانا افادیت سے خالی نہیں ہے یہ درد اور سوجن کودور کرنے میں مددفراہم کرتا ہے ساتھ ہی جلد کے دیگر انفیکش جیسے ایگزیما، پاؤں کے ایٹھن اور خشکی جیسے مسائل فوری حل کرتا ہے۔

وٹامن اور معدنیات سے بھرپور

سیب کے سرکے میں کئی اہم وٹامنز اور معدنیات موجود ہوتے ہیں جو جلد کو صحت مند رکھنے میں معاون ثابت ہوتے ہیں یہ جلد پر مؤسچرائزنگ کا کام کرتا ہے اس طرح جلد نرم ملائم ہوجاتی ہے۔

جسم کی بو سے نجات

جسم میں پسینے کے نتیجے میں بیکٹریا پنپنے لگتے ہیں جو جسم کی بو کا سبب بنتے ہیں سرکہ چونکہ جراثیم کش خصوصیات رکھتا ہے تو اس طرح یہ بیکٹیریا کے خاتمے کے ساتھ جسم کی بو کو دور کرنے معاون ثابت ہوتا ہے۔