بڑھتا ہوا وزن نہ صرف صحت کے لئے مضر ہے بلکہ یہ آپ کے حسن کو بھی ماند کر دیتا ہے تاہم یہاں پر ایک ایسے قہوہ کا ذکر کیا جارہا ہے جو ان دونوں مسائل کا بہترین حل ثابت ہوگا، اور وہ ہے گلاب کی پتیوں کا قہوہ۔

گلاب کو پھولوں کا سردار کہا جاتا ہے اور یہ دنیا کا قدیم ترین پھول ہے اور ہزاروں سالوں سے یہ ادویات میں استعمال کیا جارہا ہے، اس کے کئی رنگ اور ہزاروں اقسام ہیں اور تقریباً تمام ہی کھانے کے قابل ہیں ان میں کچھ کا ذائقہ میٹھا جبکہ کچھ کا تلخ ہے ۔ یہ دیکھنے میں نہایت خوبصورت لگتا ہے اس کی مسحور کن خوشبو ہر ایک کو اپنے سحر میں لے لیتی ہے دیسی سرخ رنگ کے گلاب کی کیا ہی بات ہے ،یہ کثرت سے استعمال ہو نے والا پھول ہے۔ اس کی پتیاں کھانوں کی زینت بن کر آپ کو صحت مند رکھتی ہیں اور ساتھ ہی جلد کے کئی مسائل کو حل کر کے آپ کے حسن کو بڑھاتی ہیں یہ وٹامن سی، آئرن،کیلشییم ،وٹامن اے اور وٹامن ای سے بھر پور ہوتی ہیں۔ آج ہم آپ کو ان پتیوں کے چونکا دینے والے فائدے بتائیں گے کہ آپ انہیں استعمال کئے بغیر نہیں رہ سکیں گے ۔

گلاب کا کہوہ

گلاب کا کہوہ بنانے کے کسی برتن میں ایک لیٹرپانی لے کر اسے ابالنے کے رکھ دیں اب اس میں ایک یا دو تازہ گلاب پتیاں ڈال دیں ،پھر اس میں ایک الاءچی کے دانے ڈال دیں ، ایک یا دو کالی مرچ کے دانے شامل کر لیں کچھ ہی دیر میں گلاب کی پتیوں کا رنگ ہلکا ہو جائے گا اب اسے چھان لیں اور ٹھنڈا کرنے کے لئے رکھ دیں ۔ لیجئے گلاب کا گلابی کہوہ یا چائے تیار ہے ۔

وزن کم کرنا

یہ کہوہ ووزن کم کرنے کی حیرت انگیز صلاحیت رکھتا ہے اس میں آدھا لیموں کا عرق شامل کریں پھر کمال دیکھیں ۔ اس میں کیفین ،چینی اور کیلوریز نہیں ہوتی اس لئے وزن کم کرنے کے خواہش مند افراد اس سے استفادہ حاصل کر سکتے ہیں ۔

رنگت نکھارنے کے لئے بہترین

یہ وٹامنز اور اینٹی آکسیڈینٹ حاصل کرنے کا ایک خوشبودار ذریعہ ہے اس میں شہد شامل کر کے استعمال کرنے سے رنگت نکھر جائے گی ،کیو نکہ اس میں وٹامن ای اور وٹامن سی موجود ہوتے ہیں جو جو صحت مند جلد کے لئے ضروری سمجھے جاتے ہیں ۔

منہ کی ناگوار مہک کا خاتمے کے لئے

منہ سے ناگوار مہک آتی ہو تو یہ قہوہ اس سے نجات دے گا ، اس میں موجود گلاب اور الاءچی منہ سے ناگوار مہک بننے والے بیکٹریا کو ختم کر کے فرحت اور خوشگوار احساس فراہم کرے گا ۔

آنکھوں کی الرجی دور کرنے میں مدد گار

گلاب کا کہوہ اینٹی آکسیڈینٹ اور کئی منرلز سے بھر پور ہوتا ہے لہذا اس کا استعمال آنکھوں کی الرجی میں فائدہ دیتا ہے ۔

قوت مدافعت بڑھائے

وٹامن سی اور اینٹی آکسیڈینٹ سے بھر ہو نے کی بنا پر جسم کے مدافعتی نظام کے مضبوط بنانے میں مدد فراہم کرتا ہے ۔ اس طرح جسم بیماری پھیلانے والے جرا ثیم سے محفوظ رہتا ہے ۔

اسٹریس کم کرے

اس دیگر فائدوں میں دماغی صحت بھی شامل ہے یہ اضطرابی کیفیت سے نجات دے سکون فراہم کرتا ہے،کئی طرح کی الرجی کا خاتمہ کرتا ہے،اینٹی بیکٹیریل خواص کی بنا پربیماریوں دور رکھتا ہے،انسولین کی مزاحمت بڑھاتا ہے،دل کو صحت مند رکھنے میں مدد فراہم کرتا ہے ۔ غرض یہ قہوہ آپ کی مجموعی صحت کا ضامن ہے ۔

نوٹ:اس قہوہ کے دن ایک سے دو کپ یا اپنے معالج کی ہدایات کے مطابق استعمال کیے جاسکتے ہیں ۔