کیا آپ جانتے ہیں کہ کسی کی محبت مبتلا ہونے سے آپ کا وزن کم ہو سکتا ہے؟ آئیے جانتے ہیں کہ کیسے۔

حالیہ تحقیق سے یہ بات سامنے آئی ہے کہ محبت کرنا آپ کو وزن کم کرنے میں مدد فراہم کرسکتا ہے جبکہ اس تحقیق نے محبت کے حوالے سے سابقہ تھیوری جسے ’’لو پاؤنڈز‘‘ کہا جاتا ہے کو یکسر تبدیل کر دیا ہے۔

اس تھیوری کے مطابق جب کوئی شخص کسی کے ساتھ محبت کرتا ہے اور اس سے سکون اور اطمینان حاصل کرتا ہے یہ تو اس کے وزن میں اضافہ کا سبب بنتا ہے تاہم حالیہ تحقیق اس بات کی تردید کرتی ہے۔

ماہرین نے اس نئی تحقیق کے نتائج کو مد نظر رکھتے ہوئے کہا کہ اگرچہ محبت کرنے کے بعد ابتدا میں وزن میں اضافہ ہوسکتا ہے، لیکن جب آپ اس طرح کے تعلق سے وابستہ ہوتے ہیں تو جسم ایک ہارمون خارج کرتا ہے، جو بھوک کو دباتا اور آپ کو فٹ رہنے میں مدد کرتا ہے۔

تحقیق

اس تحقیق کے لیے، محققین نے مختلف بی ایم آئی رکھنے  والے 25 نوجوانوں کو شامل کیا۔ انہیں یا تو پلیسبو یا آکسیٹوسن ناک سپرے دیے گئے۔

پھر انہیں ایک کھانے کی فہرست سے ناشتہ آرڈر کرنے کو کہا گیا اور جو کچھ بھی انہوں نے طلب کیا اس کھانے کے 2 حصے دیے گئے۔ اس کے بعد محققین نے کھانے کے دوران استعمال ہونے والے ہر فرد کی کیلوریز کی مقدار کا حساب لگایا۔

دو ماہ بعد، اسی تجربہ کو دوبارہ دہرایا گیا۔ لیکن جن لوگوں نے پلیسبو حاصل کیا انہیں آکسیٹوسن اور اس کے برعکس دیا گیا۔ محققین نے پایا کہ، اوسطاً، جن لوگوں کو آکسیٹوسن کے اسپرے دیے گئے تھے، انھوں نے پلیسبو گروپ میں شامل افراد کے مقابلے میں 9 گرام کم چربی اور 122 کم کیلوریز استعمال کیں۔

آکسیٹوسن گروپ کے مردوں نے بھی اپنے ہم منصبوں کے مقابلے میں اپنے جسم میں ذخیرہ شدہ چربی کو ایندھن کے لیے استعمال کیا۔ اس کے علاوہ انہوں نے میٹابولزم میں اضافہ اور انسولین کی حساسیت کو بہتر بنایا۔

محبت کرنا آپ کا وزن کیسے کم کرتا ہے؟

جب آپ پیاراور محبت جیسے جذبات سے گزرتے ہیں تو آپ کے جسم میں کچھ تبدیلیاں واقع ہوتی ہیں تاہم یہ کیا تبدیلیاں ہوتی ہیں آئیے جانتے ہیں۔

محبت میں رہنا وزن کم کرنے کے لیے بہترین محرک ثابت ہوتا ہے۔

جب آپ کسی سے محبت کرتے ہیں تو آپ کے دماغ میں ڈوپامائن کی سطح بڑھ جاتی ہے، جس سے آپ کو خوشی محسوس ہوتی ہے۔ آپ کا دل تیزی سے دھڑکنے لگتا ہے جس کی وجہ سے آپ محبت کے دوران زیادہ زندہ دلی محسوس کرتے ہیں۔

ڈوپامائن

ڈوپامائن کے ساتھ اپنے بارے میں بہتر محسوس کرتے ہیں جوآپ کے وزن کو کم کرنے کے لیے ایک محرک ثابت ہوتا ہے اور اس کا فائدہ یہ ہوتا ہے یہ آپ کو وزن کم کرنے کی کوششوں کی ترغیب دلاتا ہے جن لوگوں کے لیے عام حالات میں ورزش یا ڈائٹنگ کے ذریعے وزن کم کرنا مشکل ہوتا ہے۔

یہی وجہ ہے کہ محبت جیسے تعلق کی وجہ سے ڈوپامائن میں اضافہ آپ کو وزن کم کرنے کی کوششوں کی زیادہ حوصلہ افزائی کرتا ہے۔

محبت میں رہنا آپ کو تیزی سے چربی جلانے میں مدد کرتا ہے۔

محبت میں رہنے کا ایک اور فلسفہ یہ ہے، یہ نوریپائنفرین کو فروغ دینے میں مدد کرتا ہے۔ نورپائنفرین آپ کو چربی کو تیزی سے جلانے میں معاونت کرتا ہے، اس طرح یہ چربی کو توانائی میں بدل کر جسم کو زیادہ مؤثر طریقے سے میٹابولائز کرسکتا ہے۔

محبت جیسا جذبہ آپ کے جسم کو چربی کو زیادہ موثر طریقے سے جلانے کے لیے درکار نوریپینفرین حاصل کرنے میں مدد دیتا ہے۔

جب آپ محبت کرنے لگتے ہیں توایسی صورت میں ہارمونز کیاکردار ادا کرتے ہیں؟

ہارمونز اس وقت متحرک ہوجاتے ہیں جب آپ کسی پریشان میں مبتلا ہوتے ہیں کہ آپ کے  تعلقات کیسے ہیں اور چیزیں کیسے کام کر رہی ہیں یا آپ کس چیز سے گھبرارہے ہیں وہ سب فینتھائلامائن کے سبب ہوتا ہے ۔ اسے ’’محبت کا ہارمون‘‘ بھی کہا جا سکتا ہے۔

یہ ہارمون آپ کے جسم میں ڈوپامائن کے اثر کو بڑھاتا ہے، جبکہ ساتھ ہی چربی جلانے کی رفتار کو بڑھانے اور آپ کی بھوک کو دبانے کے لیے بھی کام کرتا ہے۔ اس طرح کہا جاسکتا ہے کہ یہ وزن کم کرنے میں ایک فعال جزو کے طورکام کرتا ہے۔