اس خبر میں آج ہم آپکو پالک کے ایسے غذائی فوائد کے بارے میں بتائیں گے جو شاید آپ نہ جانتے ہوں۔

پالک گھروں میں پکائی جانے والی ایک عام سبزی ہے، اس کو سبھی صحت بخش سبزی سمجھتے ہیں اور اسے فولاد یعنی آئرن سے بھرپور سمجھا جاتا ہے۔

تو آئیے ہم اس کے فوائد آپکو بتاتے ہیں۔

بینائی کیلئے فائدہ مند:

پالک میں زیکس انتھین، لیوٹن اور کلوروفل موجود ہوتا ہے ان سب سے بینائی کو بہتر بنانے اور قوت مدافعت کے نظام کو فروغ دینے میں مدد ملتی ہے۔

ان میں موجود پگمنٹ کی زائد مقدار آنکھ میں ریٹینا میں محفوظ ہوجاتی ہے جو آنکھوں کو سورج کی تیز شعاوں سے بچاتی ہے اور آنکھوں کو سورج کی سخت کرنوں سے بچانے کے لیے ڈھال کا کام کرتی ہے۔

بلڈ پریشر اور دل کے فوائد:

 پالک میں موجود نائٹریٹ کی مقدار ہائی یا لو بلڈ پریشر کو مستحکم کرنے اور دل کی بیماری کے خطرے کو کم کرنے کے لئے جانی جاتی ہے۔

 لیوٹن کی موجودگی ہمارے دل کے گرد شریانوں کی دیواروں کو مضبوط کرتی ہے اور اس کے نتیجے میں دل کے دورے کے امکانات کم ہوجاتے ہیں۔

خراب جراثیم سے نجات:

پالک میں وٹامن اے بھرپور مقدار میں پایا جاتا ہے جو خطرناک جراثیم کو جسم سے دور رکھتا ہے۔

اس کی وجہ سے موسمی بیماری یا بیکٹیریل انفیکشن  لگنے کا خطرہ کم ہوجاتا ہے اور کسی کو اچانک بیمار ہونے کا خدشہ نہیں ہوتا۔

کینسر سے بچاؤ:

پالک میں دو اجزاء MGDG اورSQDG پائے جاتے ہیں، جو کینسر کی افزائش کو کم کرسکتے ہیں۔

ایک مطالعے میں ان مرکبات نے ایک خاتون میں نہ صرف ٹیومر کی رفتار سست کرنے میں مدد کی بلکہ ٹیومر کے سائز کو بھی کم کیا۔

کئی تحقیقات سے یہ بات سامنے آئی کہ پالک کے استعمال سے پروسٹیٹ کینسر کے خطرے کو کم کیا جاسکتا ہے۔

پالک کھانے سے چھاتی کے کینسر سے بچنے میں بھی مدد مل سکتی ہے۔