آج ہم آپ کو اپنی اس اسٹوری میں کچھ ایسے میوہ جا ت کے بارے میں بتائیں گے جنھیں پانی میں رات بھر بھگو کر کھانے سے ان کی افایدت میں اضافہ ہو جاتا ہے۔

کِشمِش

کشمش کو خشک کرکے بھی کھایا جاسکتا ہے لیکن اگر آپ انہیں بھگو کر کھائیں تو ان میں آئرن کی مقدار بڑھ جاتی ہے جو بالوں کے گرنے اور جلد کے مسائل سے نجات دلانے میں مددگار ثابت ہوتی ہے۔

اگر آپ چاہیں تو کشمش بھگو کر پانی بھی پی سکتے ہیں۔ یہ پانی بھی غذائیت سے بھرپور ہوجاتا ہے۔

بادام

کہا جاتا ہے کہ بادام کھانے سے دماغ تیز ہوتا ہے لیکن اس سے وزن بھی کم ہوتا ہے۔ یہ میگنیشیم سے بھرپور ہوتا ہے، جو کولیسٹرول کو کم کرنے اور بلڈ پریشر کو کنٹرول کرنے میں مدد کرتا ہے، اس لیے اسے بھگونا فائدہ مند ہے۔

انجیر

انجیر میں فائبر، پوٹاشیم، میگنیشیم اور وٹامنز کی کمی نہیں ہے جس کی وجہ سے اسے غذائیت سے بھرپور پھل کا درجہ حاصل ہے۔

اس میں پولیفینول، فلیوونائڈز اور اینٹی آکسیڈنٹس ہوتے ہیں جو فری ریڈیکلز کے خطرات سے بچاتے ہیں۔

خشک انجیر کو رات بھر پانی میں بھگو کر صبح کھائیں۔ اس کی تاثیر مزید بڑھ جائے گی۔

السی

السی کے بیج پروٹین، فائبر اور آئرن سے بھرپور ہوتے ہیں جو آپ کی صحت کو بہتر بنانے میں مدد دیتے ہیں۔

ان بیجوں کو رات بھر پانی میں بھگو دیں اور صبح نہار منہ کھا لیں۔ یہ خواتین کے بیشتر مسائل حل کرنے میں مددگار ہیں۔

میتھی کے بیج

میتھی کے بیج ہمیں جوڑوں کے درد سے نجات دلاتے ہیں، ساتھ ہی یہ معدے کے لیے بھی اچھا ہے، اس لیے اس کے استعمال سے قبض سے نجات ملتی ہے۔ اس کے لیے میتھی کے بیجوں کو ایک گلاس پانی میں رات بھر بھگو دیں اور صبح اس کا پانی پی لیں۔