ورلڈ کینسر ریسرچ فنڈ کے مطابق آپ اپنی غذائی عادات کو بہتر بنا کر 30 سے 40 فیصد تک سرطان سے بچ سکتے ہیں۔ اس مقصد کے لیے براسیکاسی خاندان سے تعلق رکھنے والی کروسیفیرس سبزیاں جیسے واٹر کریس، شاخ گوبھی (بروکولی) اور پالک کا باقاعدگی سے استعمال ضروری ہے۔

کروسیفیرس سبزیوں میں غذائی ریشہ، معدنیات اور وٹامنزکثیرمقدار میں پائے جاتے ہیں جو آپ کی مجموعی صحت کے لیے بے حد مفید ہیں۔ تاہم ایک حالیہ تحقیق کے نتائج سے یہ بات سامنے آئی ہے کہ خوراک میں واٹر کریس اور بروکولی کو شامل کرنے سے سر طان سے تحفظ میں مدد مل سکتی ہے۔

تحقیق

ساؤتھ ڈکوٹا سٹیٹ یونیورسٹی میں کی گئی ایک تحقیق کے مطابق واٹر کریس اور بروکولی جیسی سبز سبزیاں کم از کم 24 گھنٹوں کے اندر کینسر کے 75 فیصد سٹیم سیلز کو مارنے کی صلاحیت رکھتی ہیں، اور یہ اس کے بنیادی ماخذ پر حملہ کرتی ہیں۔

زیادہ سے زیادہ 5 فیصد ٹیومر، جن میں کینسر کے اسٹیم سیل ہوتے ہیں، خون کے دھارے میں داخل ہو سکتے ہیں اور شدید علاج کے بعد بھی ایک عضو سے دوسرے عضو تک سرایت کر سکتے ہیں۔

مول ڈے، ایک ایسوسی ایٹ پروفیسرہیں وہ اس بات کی تصدیق کرتے ہیں کہ سرطان کی رسولیاں تابکاری یا کیموتھراپی سے علاج کیے جانے کے بعد بھی،ان کے اسٹیم سیلز باقی رہ جاتے ہیں اس  حقیقت نے انہیں اور اس کے ساتھیوں کو ان اسٹیم سیلز کو تباہ کرنے کے طریقے تلاش کرنے کی ترغیب دی اوراب انہوں نے توقع سے بہت جلد اپنا سب سے مہلک ہتھیار دریافت کر لیا ہے۔

مول کے مطابق، ’’ان چھوٹے خلیوں کا ٹیومر میں پتہ لگانا بہت مشکل ہے‘‘۔ انہوں نے اس کا موازنہ گھاس کے ڈھیر میں سوئیاں تلاش کرنے کے مترادف قرار دیا۔

اس مقصد کے لیے ایک اور محقق گریوا کینسر کے خلیوں کو فینیتھائل آئسوتھیوسائنیٹ یا پی ای آئی ٹی سی  دینے کے لیے پیٹری ڈش کا استعمال کیا۔ انہیں پتہ چلا کہ اس نے صرف 24 گھنٹوں میں 75 فیصد سٹیم سیلز کو تباہ کر دیا۔

پی ای آئی ٹی سی کیا ہے؟

پی ای آئی ٹی سی قدرتی طور پر پایا جانے والا مادہ یا مرکبات ہے، جو ان سبزیوں کے چبانے کے دوران خارج ہوتا ہے۔

واٹرکریس اورشاخ گوبھی ( بروکولی) ہی کیوں؟

واٹر کریس اور بروکولی فائٹو کیمیکلز سے بھری ہوئی ہوتی ہیں جو گلوکوزینولیٹس کے نام سے جانا جاتا ہے، جو کینسر کے اسٹیم سیلز کی نشوونما کو روکنے میں مدد کرتا ہے۔

یہ غذائیت کے انتہائی الکلائن ذرائع ہیں اور اینٹی آکسیڈنٹس سے بھرپور ہیں، جو مختلف قسم کے کینسر کے خطرے کو کم کرنے کے لیے مؤثرقرار دیئے گئے  ہیں۔ دونوں میں لوٹین بھی ہوتا ہے، جو امریکن کینسر سوسائٹی سے منسلک ایک مرکب ہے جو مثانے اور کولوریکٹل کینسر کے خطرے کو نمایاں طور پر کم کرنے میں مدد کرتا ہے۔

یہ مرکب کتنا استعمال کرنے کی ضرورت ہے؟

مطالعہ کے دوران محققین نے کینسر کے اسٹیم سیلز پر پی ای آئی ٹی سی کی کم از کم 20 مائیکرومولر ارتکاز کا استعمال کیا۔ انہوں نے چوہوں پر 5 سے 15 مائیکرومولر کی خوراک کا مزید تجربہ کیا جو بھی کارآمد ثابت ہوا۔

ساؤتھ ڈکوٹا اسٹیٹ یونیورسٹی کے محققین نے بھی اس بات کی تصدیق کی ہے کہ فی ہفتہ اپنی خوراک میں صرف چند اونس واٹر کریس اور بروکولی کو شامل کرنا کینسر کے اسٹیم سیلز کے پھیلاؤ اور نشوونما کو کم کرنے پر مثبت اثر ڈال سکتا ہے۔

آپ بروکولی کو باقاعدہ سائیڈ ڈش کے طور پر، سوپ، سلاد اور نشاستہ دار کھانوں کے ساتھ  استعمال کر سکتے ہیں، آپ کا جسم ان فوائد کے لیے آپ کا شکرگزار ہوگا جو یہ سبزیاں فراہم کریں گی۔