اس خبر میں آج ہم آپکو بتائیں گے کہ ڈائیٹنگ اور ورزش کے علاوہ کس چیز سے آپ کا موٹاپا دور ہو سکتا ہے۔

وزن کم کرنا ہمارے ملک میں لوگوں کا خاص طور پر خواتین کی اکثریت کا اہم مسئلہ ہے، جب ہم فٹ ہونے کا ارادہ رکھتے ہیں تو یہ عام طور پر وزن گھتانا ہماری اولین ترجیح ہوتی ہے۔

تاہم وزن کم کرنا کوئی تیز اور آسان عمل نہیں ہے اور نتائج ظاہر کرنے میں مہینوں کی ضرورت پڑ سکتی ہے۔

اگر آپ نظم و ضبط اور صبر کے ساتھ فٹنس کے منصوبے پر عمل پیرا ہیں تو  آپ صحت مند طرز زندگی اور وزن پر قابو پا سکتے ہیں، ہم میں سے بہت سے لوگوں کو یہ غلط فہمی ہے کہ وزن میں کمی کے لیے ڈائیٹ کے منصوبے کی ضرورت ہوتی ہے یا آپ اپنے مقصد کو حاصل کرنے کے لیے بالکل بھی نہیں کھاتے ہیں۔

لیکن کیا آپ یہ جانتے ہیں کہ ورزش اور ڈائیٹنگ کے علاوہ بھی ایک ایسی چیز موجود ہے جو آپکو وزن کرنے میں مدد فراہم کرسکتی ہے۔

اب آپ سوچ رہے ہوں گے کہ ایسا کونسا عمل ہوسکتا ہے تو ہم آپکو بتاتے چلیں کہ نیند وقت پر کرلینے سے آپ کا وزن کم ہوسکتا ہے۔

جی ہاں، اسکی تفصیلات ذیل میں بیان کرتے ہیں۔

نیند پوری نہ ہونا:

نیند پوری نہ ہونا وزن بڑھاتا ہے، اگر آپ نیند صحیح طریقے سے پوری کر رہے ہیں تو آپ کا وزن بالکل متوازن رہے گا لیکن اگر آپ ٹھیک سے نہیں سو رہے اور نیند پوری نہیں ہو رہی تو یہ آپ کے جسم کی چربی بڑھانے میں اہم کردار ادا کرے گا۔

ایک سروے سے معلوم ہوا ہے کہ مسلسل 2 ہفتے تک روزانہ ساڑھے آٹھ گھنٹے نیند لینے کے بجائے اسی دوران ساڑھے پانچ گھنٹے تک نیند لینے سے جسمانی چکنائی میں اضافہ ہوجاتا ہے۔

دراصل نیند کی کمی ہمارے جسم کی بھوک، میٹابولزم اور ہاضمے پر اثرانداز ہوتی ہے،  جسم کے 2 اہم ہارمون گریلن اور لیپٹن ہیں جو نیند کی کمی سے شدید متاثر ہوتے ہیں۔

لہٰذا اگر ہم چاہتے ہیں کہ ہمارا وزن متوازن ہو تو ہمیں ہر حال میں اپنی نیند پوری کرنی ہوگی، کوشش کریں کہ رات کو وقت پر سویا جائے اور 8 گھنٹے کی مکمل نیند لے کر اٹھا جائے۔