انجیر کا شمار عام اور مشہور پھلوں میں ہوتا ہے اور اس کے استعمال کی بہترین صورت اسے خشک کھانا ہے۔

انجیر کے اندر پروٹین، شکر، کیلشیم، فاسفورس پائے جاتے ہیں۔

دونوں انجیر یعنی خشک اور تر میں وٹامن اے اور سی کثیر مقدار میں ہوتے ہیں جبکہ وٹامن بی اور ڈی قلیل مقدار میں ہوتے ہیں۔

 خشک انجیر اپنے اندر شامل نمکیات اور غذائی مادوں کی وجہ سے اہم غذاوں میں شامل ہوتی ہے۔

بلند اینٹی آکسیڈنٹ مادوں کی وجہ سے انجیر کینسر کے خلیوں کی تشکیل کا سدّباب کرتی ہے۔

اس حوالے سے کی جانے والی تحقیقات کے مطابق خشک انجیر خون  میں چربی کی مقدار کو کم کر کے دِل کو صحت مند رکھتی ہے۔

اس کے علاوہ تازہ یا خشک انجیر چھاتی کے کینسر کی روک تھام میں مددگار ثابت ہوتی ہے۔

کیلشئیم، پوٹاشئیم اور میگنیزئیم جیسے نمکیات کی حامل ہونے کی وجہ سے ہڈیوں کو مضبوط بناتی ہے اور یہی نہیں بلکہ جسم میں فولاد کی کمی کو بھی پورا کرتی ہے۔

اس کے علاوہ انجیر سے ہڈیاں بھی مضبوط ہوتی ہیں ۔

انجیر میٹابولزم کو قدرتی استحکام فراہم کرنے والا پھل ہے جو جسمانی وزن میں کمی لانے میں مدد دے سکتا ہے اور اکثر اسے موٹاپے کے شکار افراد کو کھانے کا مشورہ بھی دیا جاتا ہے، تاہم دودھ کے ساتھ اسے کھانا جسمانی وزن میں اضافے کا باعث بنتا ہے۔

انجیر میں غذائی فائبر کی مقدار کافی زیادہ ہوتی ہے جو کہ آنتوں کو متحرک کرنے میں مدد دیتی ہے، جس سے قبض کی شکایت دور ہوتی ہے۔