خوبصورت مسکراہٹ شخصیت کو متاثر کن بناتی ہے لیکن اگر دانت صاف نہ ہو تو یہ مسکراہٹ پھیکی پڑ جاتی ہے جبکہ کبھی کبھارانسان مسکرانے سے بھی کترانے لگتا ہے۔

یہاں پر ایسی تمام عادات کو ذکر کیا جارہاہے جو دانتوں کے نقصان کا باعث بنتی ہیں۔

سگریٹ نوشی

تمباکو نوشی کا شمار ایسی ہی عادات میں ہوتا ہے جو آپ کی مسکراہٹ کو گہن لگا دیتی ہے یہ عادت آپ کے موتیوں کی سفیدی کو داغدار کر دیتی ہے۔ سگریٹ پینا یہ آپ کو پیریڈونٹل بیماری کے ساتھ ساتھ ہونٹوں، منہ اور زبان کے کینسر کے خطرے کو بھی بڑھاتا ہے۔

نشاستہ دار کھانوں کی کثرت

جب بھی آپ کوئی غذا کھاتے ہیں، آپ کے منہ کا پی ایچ لیول گر کرتیزابیت میں بدل جاتا ہے۔ جس کی وجہ سے دانتوں کی اوپری سطح جو سفید اور سخت ہوتی ہے جس کا کام دانتوں کو ڈھانپنا ہوتا ہے کو نرم ہونے لگتی ہے روزانہ 3 سے 4 بار اس طرح کی غذا استعمال کرنے سے کوئی فرق نہیں پڑتا تاہم مسلسل استعمال سے یہ حفاظتی تہہ ہٹ جاتی ہے جس سے دانتوں کی سطح پر داغ دھبے نمودار ہونا شروع ہوجاتے ہیں۔

اپنے دانتوں کو کھانے تک محدود رکھیں

آپ کے دانت بنیادی طور پر کھانا چبانے کے لیے بنائے گئے ہیں۔ آپ اسے ٹیپ کٹر، بوتل کا کیپ کھولنے، نٹ کریکر، پلاسٹک بیگ کھولنے والے وغیرہ کے طور پر استعمال کرنے سے گریز کریں۔ آپ کے دانتوں کو مسواک کے علاوہ دیگر چیزوں کے لیے استعمال کرنے سے وہ ٹوٹ پھوٹ کا شکار ہو سکتے ہیں اور آپ کی مسکراہٹ کو فوری طور پر خراب کر سکتے ہیں۔

 پھلوں کے جوس کا استعمال

اس سے انکار نہیں کیا جاسکتا کہ پھلوں کے جوس وٹامنز، منرلز اور اینٹی آکسیڈنٹس سے بھرے ہوتے ہیں۔ تاہم، ان میں چینی کی کثیر مقدار بھی موجود ہوتی ہے جو منہ میں موجود بیکٹیریا کی پیداوار بڑھانے کا سبب بنتے ہیں جو دانتوں کی سفیدی کو پیلاہٹ میں بدل سکتے ہیں۔

اس لیے کوشش کریں کہ تازہ پھلوں کا رس استعمال کریں جس میں چینی کی مقدار کم ہو۔

سافٹ ڈرنک

یہ کوئی رازکی بات نہیں ہے کہ سافٹ ڈرنک میں کافی مقدار میں چینی ہوتی ہے جو آپ کے دانتوں اور عام طور پر منہ کی صحت کے لیے نقصان دہ ہے۔ ساتھ ہی سوڈا میں پائے جانے والے کچھ دوسرے کیمیکل جیسے سائٹرک اور فاسفورک ایسڈ دانتوں کے نقصان کا باعث بنتے ہیں۔

کافی

کافی کا سیاہ رنگ درحقیقت آپ کے دانتوں کو داغدار بنا سکتا ہے۔ کافی میں موجود ٹیننز ہی آپ کے دانتوں کو ان کے چمکتے سفید رنگ سے محروم کرنے کے ذمہ دار ہیں۔ یہ جز صرف کافی میں ہی  نہیں بلکہ چائے میں بھی پایا جاتا ہے۔ اگر آپ اپنے دانتوں کو نقصان سے بچانا چاہتے ہیں تو کافی اور چائے کا استعمال اعتدال میں کریں۔

برف چبانا

دانتوں کے ماہرین کا کہنا ہے کہ دانتوں کی سطح خراب ہونے کی ایک بڑی وجہ برف چبانا ہے۔ برف کا ٹھنڈا درجہ حرارت اور اس کی ٹوٹ پھوٹ ایک برا مرکب ہے خاص طور پر اس وقت جب آپ اسے اپنے دانتوں کا استعمال کرتے ہوئے چھوٹے چھوٹے ٹکڑوں میں توڑنے کی کوشش کرتے ہیں۔ صرف برف ہی نہیں بلکہ بہت سی دوسری چیزیں بھی ہیں جنہیں چبانے سے دانتوں کو نقصان پہنچتا ہے۔

دانتوں کی صفائی

اکثر لوگوں کا خیال ہے کہ جتنا برش کرے گے دانت چمکنے لگے گے لیکن حقیقت اس کے برعکس ہے بہت زیادہ طاقت کا استعمال کرتے ہوئے دانت صاف کرنے سے دانتوں کی اوپری سطح اتر سکتی ہے اور یہ آپ کے دانتوں کو حساس بنا سکتی ہے جس سے دانتوں پر دھبے نمودار ہوسکتے ہیں۔

 ناخن کاٹنا

ناخن کترنا ایک بری عادت ہے جو آپ کی مسکراہٹ میں خلل ڈال سکتی ہے تو اس عادت سے گریز کریں، دانتوں کوکسی بھی اس طرح کے کام کرنے سے باز رکھیں تاکہ آپ کھل کر مسکرا سکیں۔