اجوائن صدیوں سے کھانوں کا ذائقہ بڑھانے کے ساتھ کئی امراض کے لیے بطور دوا استعمال کی جاتی رہی ہیں۔ ترش ذائقہ لیے اس ننھے سے بیج میں کار بو ہائیڈریٹ ،چکنائی ، پروٹین، فائبر، کیلشیم ،فاسفورس ، آئر، کو بالٹ ،کاپر، آیوڈین اور میگنیز کثیر مقدار میں پائے جاتے ہیں۔

یہاں یہ بات قابل ذکر ہے کہ اجوائن کو صحت بخش بنانے میں تھائمول کو بڑا دخل ہے ،یہ تیل ہے جو اجوائن کو ذائقہ و خوشبو دیتا ہے اور ساتھ ہی اس کے صحت بخش ہو نے کی تصدیق کرتا ہے۔

اگر اس بیج کا پانی دن کے آغاز استعمال کیا جائے تو صحت پر اس کے حیران کن اثرات مرتب ہوتے ہیں۔ اس صحت سے بھرپور مشروب کو بنانے کے لیے جو اجزاء درکار ہیں وہ یہ ہیں۔

اجزاء:

اجوائن ایک چائے کا چمچ

پانی ایک گلاس

ترکیب:

ایک گلاس پانی میں اجوائن ڈال کر رات بھر کے لئے رکھ دیں ۔ صبح اس میں اتناہی پانی اور شامل کر کے ابال کر چھان لیں اور ٹھنڈا ہو نے پی لیں ، یا اسے بغیر ابالے چھان کر بھی استعمال کرسکتے ہیں۔

بہترنظام انہضام

اجوائن پیٹ سے جڑے امراض کے لیے کسی مسیحا سے کم نہیں، یہ گیس ،تیزابیت اور پیٹ میں درد کو دور کرنے میں معاون ثابت ہوتا ہے۔ صبح نہار منہ اس پانی  پینے سے ان تمام شکایات کا ازالہ ہوجاتا ہے کیو نکہ جب آپ اسے خالی پیٹ لیتے ہیں تو یہ آنتوں میں موجود انزائمز کو متحرک کر دیتا ہے جو بہتر ہاضمے میں مدد دیتے ہیں۔

وزن میں کمی

فی زمانہ لوگوں کی اکثریت موبائل اور لیپ ٹاپ پر دن کا زیادہ تر وقت بیٹھ کر گزارتی ہے اسی لئے وزن بڑھنا تو یقینی ہے  اور کسی قدر اس کا تعلق نظام انہضام سے بھی ہے۔ کیوںکہ جب کھانا صحیح طریقے سے ہضم ہوجاتا ہے تو غیر ضروری وزن میں اضافے کے امکانا ت کم ہوجاتے ہیں۔ جوائن کا پانی آپ کے اس مسئلے کا بہترین حل ہے۔

 اسی طرح یہ اپنے صحت بخش خواص کی بدولت جسم میں کو لیسٹڑول کی سطح کو اعتدال میں رکھتا ہے بنیادی طور پر یہ جسم میں خراب کو لیسٹرول کو کم کرتا ہے جو موٹاپے کے ساتھ ذیابیطس اور امراض قلب کا سبب بنتا ہے۔

گٹھیا میں مدد گار

اجوائن کا پانی درد کش خصوصیات کا حامل ہوتا ہے یہی وجہ ہے کہ گٹھیا کے درد میں مبتلا افراد اجوائن کے پانی سے استفادہ حاصل کر سکتے ہیں ۔ یہ بیماری سوزش کی وجہ سے ہوتی ہے اجوائن سوزش کو کم کرکے جسم کو درد سے نجات دے کر راحت پہنچاتی ہیں۔

انفیکشنزسے بچاؤ

اس میں جراثیم سے لڑنے کی بھر پور صلاحیت پائی جاتی ہے۔ اسی لئے اسے جراثیم کش کہا جاتا ہے، یہی حصوصیات اسے یہ مختلف انفیکشنز کے لئے بہترین تریاق بناتی ہیں ، جو نزلہ ،کھانسی کان یہاں تک کہ منہ کے کئی طرح کے انفیکشنز سے بچانے میں اہم کردار ادا کرتی ہیں۔

سانس کی تکالیف کا علاج

اجوائن سانس کے مسائل جیسے پھیپڑوں اور گلے کو صاف رکھنے کے لئے بہترین تصور کی جاتی ہے ۔ اور سردی کے موسم میں ہو نے والے نزلہ زکام اور کھانسی میں نہار منہ اس کاپانی لینا گلے کو صاف رکھتا ہے اور سانس کی جملہ تکالیف سے نجات کا باعث بنتا ہے ۔