اچھی صحت کے لیے جسم میں تمام ہی وٹامنز اور منرلز کا توازن میں ہونا نہایت ضروری ہے کسی ایک وٹامن کمی صحت کے معیار کو متاثر کرسکتی ہے، ان ہی میں وٹامن بی 12 شامل ہے۔

یہ وٹامن جسم میں میٹابولزم کو تیز کرنے، ڈی این اے کی بناوٹ اور خون کے سرخ خلیات کی افزائش میں اہم کردارادا کرنے کے ساتھ ہی تقریباً تمام ہی خلیات کا لازمی جز ہے۔ جسم میں اس وٹامن کی کمی نظام انہضام میں بگاڑ کا سبب بنتی ہے جس سے غذا کا جزوبدن ہونے کے لیے مشکل کا سامنا کرنا پڑتا ہے۔

 وٹامن بی 12 کی کمی سے جسم اپنے افعال صحیح طرح سے انجام نہیں دے پاتا، جسم میں خون کی کمی کا مرض جسے انیمیا کہاجاتا ہے اسی وٹامن کی کمی کی وجہ سے جنم لیتا ہے اس مرض  میں خون کی سرخ خلیات کم ہوجاتے ہیں جس سے جسم کے دیگر اعضاء تک آکسجین کی فراہمی متاثر ہوتی ہے اس کی کمی جسم میں کمروزی تھکاوٹ، ارتکاز کی کمی کا باعث بنتی ہے جبکہ جسم کو توازن  میں رکھنا بھی مشکل ہوجاتا ہے۔

یہاں یہ بات جاننا نہایت ضروری ہے کہ جسم یہ وٹامن خود نہیں بناتا اس کے لیے اسےبیرونی ذرائع سے حاصل کیا جاتا ہے،یہ گوشت اور ڈیری مصنوعات، انڈے، مرغی اورسیریل میں بکثرت پایا جاتا ہے۔

اوسطاً، 14 سال اور اس سے زیادہ عمر کے افراد کو روزانہ تقریباً 2.4 مائیکروگرام کی ضرورت ہوتی ہے۔ اچھی خبر یہ ہے کہ آپ کا جسم اس وٹامن کی اضافی مقدا جگرمیں جذب کر لیتاہے اور جب اسے غذا سے حاصل نہیں کر پاتا تو جسم اس اضافی وٹامن کواستعمال میں لاکر جسم کے افعال کو بہتر اندازمیں جاری رکھتا ہے۔ تاہم اس کے نتیجے میں کمزوری اور تھکاوٹ کا سامنا رہتا ہے۔