بیشتر افراد وزن کم کرنے کے لئے کم کھانا شروع کردیتے ہیں لیکن اس کے باوجود وہ مزید موٹاپے کا شکار ہوجاتے ہیں۔

موٹاپے کی وجہ سے آہستہ آہستہ مختلف امراض ہمارے اندر پیدا ہونا شروع ہو جاتے ہیں جس سے دل، دماغ، گردے سب اس بڑھتے وزن کی وجہ سے بیمار ہوتے چلے جاتے ہیں۔

وقفے وقفے سے بھوکے رہنے، وزن میں کمی کی گولیاں لینے یا دیگر دوائیں اور کیٹو ڈائیٹ سے بھی وزن کم کرنے میں مدد ملتی ہے لیکن یہ تمام طریقے عارضی ہیں یا دوسرے الفاظ میں غلط کہے جا سکتے ہیں۔

تو آج ہم آپکو ایسی چیزوں کے بارے میں بتائیں گے جس پر عمل کر کے آپ موٹاپے سے نجات حاصل کرسکتے ہیں۔

ناشتہ نہ کرنا:

ناشتہ نہ کرنا وزن میں کمی لانے کی بجائے اس میں اضافے کا باعث بننے والی عادت ہے اس کی وجہ یہ ہے کہ ناشتہ نہ کرنے سے بھوک زیادہ لگتی ہے جس کا نتیجہ دوپہر یا رات میں زیادہ مقدار میں کھانے کی شکل میں نکلتا ہے۔

سونے کے وقت کھانا:

سونے سے پہلے کھانا کھانے کی عادت وزن میں کمی کی کوششوں کو ناکام بنادیتی ہے، اس سے جسمانی درجہ حرارت، بلڈ شوگر اور انسولین کی سطح میں اضافہ ہوتا ہے جس سے چربی کا گھلنا مشکل ہوجاتا ہے۔

فکرمندی:

بہت زیادہ فکرمند ہونے پر لوگ زیادہ کیلوریز اور چکنائی والی غذاؤں کو ترجیح دینے لگتے ہیں جبکہ تناؤ کے شکار افراد کے پیٹ اور کمر کے ارد گرد زیادہ چربی جمع ہونے لگتی ہے۔

فارغ وقت میں کھانا:

ایک تحقیق کے مطابق ٹی وی یا اسمارٹ فون کو دیکھتے ہوئے کچھ کھانے کی عادت اور جسمانی وزن میں اضافے کے درمیان تعلق موجود ہے۔

کم نیند:

نیند کی کمی وزن بڑھاتی ہے کیونکہ اس کے نتیجے میں میٹابولزم کی رفتار سست ہوجاتی ہے اور کیلوریز تیزی سے جلتی نہیں، ناکافی نیند کے باعث جسمانی توانائی میں کمی آتی ہے جس سے ورزش کرنا مشکل ہوجاتا ہے۔

میٹھے مشروبات کا استعمال:

میٹھے مشروبات میں کیلوریز کی مقدار کافی زیادہ ہوتی ہے اس کے نتیجے میں جسمانی وزن میں کمی لانے کی کوشش ناکام ہوجاتی ہے۔

پانی کم پینا:

ایک تحقیق کے مطابق کھانے سے قبل ایک لیٹر پانی پینے سے 12 ہفتوں کے دوران وزن میں 44 فیصد کمی آسکتی ہے۔