یہ کوئی راز کی بات نہیں کہ جیسے جیسے آپ کی عمر بڑھتی ہے جلد پر اس کے اثرات نمودار ہونا شروع ہوجاتے ہیں جس کے نتیجے میں جلد ڈھیلی ہوکر جھریوں کا سبب بنتی ہے۔

ایک خاص عمر کے بعد، آپ کی جلد قدرتی لچک اور نمی کھونے لگتی ہیں تاہم متوازن غذا اور جلد کو جواں رکھنے والے ماسک کا استعمال کر کے جلد کی لچک اور چمک کو واپس لایا جاسکتا ہے۔

یہاں کچھ ایسے ہی گھر میں موجود اجزاء سے ماسک تیار کرنے کے بارے میں بتایا جارہا ہے جو ان مسائل کو حل کرنے میں مفید ثابت ہوں گے۔

کھیرا اور انڈے کی سفیدی

اس ماسک کو بنانے کے لیے آپ کو ایک چھلاہوا کھیرا اور ایک انڈے اور چند قطرے لیموں کی ضرورت ہے۔

کھیرے کوچھیل کر اسے بلینڈر میں اچھی طرح بلینڈ کریں یہاں تک کہ یہ پیسٹ کی شکل اختیار کر لے۔ اب اس پیسٹ میں ایک چائے کا چمچ تازہ لیموں کا رس اور کچھ مقدار میں انڈے کی سفیدی شامل کر کے اچھی طرح مکس کریں۔

اب اس ماسک کو چہرے پر نیچے سے اوپر کی جانب لگاکر دائروں کی صورت میں ہلکے ہاتھ سے مساج کریں، اسے خشک ہونے تک چہرے پر لگا رہنے دیں، پھر ٹھنڈے پانی سے ھولیں۔

ایلوویرا اور انڈا

اس ماسک کو تیار کرنے کے لیے ایک کھانے کا چمچ ایلوویرا کا جیل اور کچھ مقدار میں انڈے کی سفیدی درکار ہے۔

ایلوویرا جیل میں انڈے کی سفیدی شامل کے بلینڈر میں بلینڈ کریں، جب یہ کریم کی شکل میں آجائے تو اپنی انگلیوں کی مدد سے چہرے پر لگائیں اور خشک ہونے پر روئی کو ٹھنڈے پانی میں ڈبو کر صاف کریں۔

یہ ماسک ڈھلتی عمر کے اثرات کو کم کرنے میں بے حد افادیت رکھتا ہے۔