جسمانی صحت کا انحصار اس بات ہے کہ آپ کون سی غذائیں لے رہے ہیں تاہم اس تناظر میں سب سے اہم پہلو یہ آپ کا جسم اسے ہضم کیسے کرتا ہے۔ دیر سے ہضم ہونے کا ایک مطلب تو یہ ہے کہ آپ کو میٹابولزم درست رفتار سے کام نہیں کررہا ہے جبکہ دوسری وجہ یہ ہے کہ آپ نے اس غذا کا انتخاب کیا ہے جو اتنی صحت بخش نہیں کہ فوری ہضم ہوسکے اس لئے وہ نظام انہضام پر اثرانداز ہورہی ہے۔

یہاں پر ایسی ملی جلی غذاؤں کو ذکر کیا جارہا ہے جو دیر سے ہضم ہوتی ہیں، تاکہ آپ ان کا انتخاب کرتے ہوئے اس بات کو مدنظر رکھیں۔

تلی ہوئی غذائیں

ایسے تمام کھانے کو جنہیں فرائی کیا جاتا ہے زیادہ چکنائی کے سبب دیر سے ہضم ہوتے ہیں اور اسہال کا باعث بن سکتے ہیں۔ اسی میں مختلف چٹنیاں، چربی والا گوشت اور مکھن  یا کریمی میٹھے بھی شامل ہیں جو مسائل کا باعث بن سکتے ہیں۔

بھنے ہوئے یا بیکڈ کھانے اور ہلکی چٹنیوں کا انتخاب کریں جن میں مکھن یا کریم کی بجائے سبزیاں شامل ہوں۔

کھٹے میٹھے پھل

ایسے تمام پھل جن کا ذائقہ قدرے کھٹا ہوتا ہے فائبر سے بھرپور ہوتے ہیں تاہم ان میں موجود کھٹاس پیٹ میں تیزابیت کا باعث بن سکتی ہے اگر آپ معدے کے کسی مسئلے کا شکار ہیں تو ان پھلوں کو لینا ایک اچھا انتخاب ہے۔

مصنوعی مٹھاس

سوربیٹول کے ساتھ بہت زیادہ شوگر فری چیوگم کھانا آپ کو درد اور اسہال میں مبتلا کرسکتی ہے۔ اس مصنوعی سویٹینر کے ساتھ بنایا گیا کھانا بھی اسی طرح کے مسائل کا سبب بن سکتا ہے۔

ایف ڈی اے نے خبردار کیا ہے کہ اگر آپ ایک دن میں 50 یا اس سے زیادہ گرام سوربیٹول کھاتے ہیں تو آپ کو اسہال ہو سکتا ہے، حالانکہ اس سے بھی کم مقدار مبینہ طور پر کچھ لوگوں کے لیے پریشانی کا باعث بنتی ہے۔

فائبر سے بھرپور غذا 

 کاربوہائیڈریٹ سے بھرپور غذائیں، جیسے اناج کی تمام اقسام  اور سبزیاں، ہاضمے کے لیے بہترین ہیں۔ تاہم ان کا کثرت سے استعمال آپ کے نظام انہضام کومتاثر کرسکتا ہے جس کے نیتجے میں   گیس کی شکایت پیدا ہوسکتی ہے۔ لہٰذا آپ جس فائبر کو کھاتے ہیں اس کی مقدار کو آہستہ آہستہ بڑھاتے جائیں۔

پھلیاں

پھلیاں صحت مند پروٹین اور فائبر سے بھرپور ہوتی ہیں ساتھ ہی ان میں موجود شکرہاضمے کو مشکل بنا دیتی ہیں جو گیس اور درد کا باعث بنتی ہے۔ آپ کے جسم میں ایسے انزائمزموجود نہیں ہیں جو انہیں توڑ سکیں یہ کام آنتوں میں موجود بیکٹیریا انجام دیتے ہیں۔ اس سے بچنے کے لیے خشک پھلیوں کو کم از کم 4 گھنٹے تک بھگو دیں اور پکانے سے پہلے پانی ڈال دیں۔

گوبھی

 گوبھی اور بروکولی، میں وہی شکرموجود ہوتی ہے جو پھلیوں میں پائی جاتی ہے جو معدے میں گیس کا سبب بنتی ہے۔

ساتھ ہی ان میں فائبر کی زائد مقدار ہاضمہ میں مشکل پیدا کرتی ہے۔کوشش کریں کہ انہیں کچا کھانے کے بجائے پکا کر استعمال کریں۔

فرکٹوز

فرکٹوزچینی کی ایک قسم ہے جو مختلف کھانے کی اشیاء بشمول سوڈا، کینڈی، پھلوں کا رس اور پیسٹری پائی جاتی ہے کچھ لوگوں کے لئے اسے ہضم کرنا مشکل ہوتا ہے۔ یہ اسہال، اپھارہ اور درد کا باعث بن سکتی ہے۔

مصالحہ دار کھانے

کچھ لوگوں کو تیز اور تیکھے مصالحوں سے بھرپور پکوان کھانے کے بعد بدہضمی یا سینے میں جلن ہو جاتی ہے، خاص طور پر جب انہوں نے کھانا زیادہ کھا یا ہو۔

ڈیری مصنوعات

اگرآپ  لیکٹوزانٹولرینٹ ہیں تو یہ غذائیں اسہال، اپھارہ اور گیس کا سبب بن سکتی ہیں اس کا مطلب ہے کہ آپ کے پاس کوئی انزائم نہیں ہے جو دودھ اور دودھ کی دیگر اقسام میں موجود چینی کو ہضم کر سکے۔ کوشش کریں ان غذاؤں سے پرہیز کریں اور ان کے بہتر متبادل استعمال کریں۔