انسان جب بیمار ہوتا ہے تو علاج کی غرض سے معالج کا رخ کرتا ہے، لیکن یہ آپ نے کبھی نہیں سوچا کہ آپ ان کو ان کے کس نام سے پکارتے ہیں۔

حالیہ تحقیق میں یہ بات سامنے آئی ہے کہ تقریباً ایک تہائی لوگ ڈاکٹروں کو ان کے پہلے ناموں سے پکارتے ہیں۔

میو کلینک کے محققین نے 1,092 ڈاکٹروں اور ان کے تقریباً 15,000 مریضوں کے درمیان تقریباً 90,000 پیغامات کا تجزیہ کیا۔

تحقیق کے مطابق خواتین ڈاکٹروں کو ان کے ہم منصب مرد ڈاکٹروں کے مقابلے میں ان کے پہلے ناموں سے پکارے جانے کا امکان دو گنا زیادہ تھا، اسی طرح آسٹیو پیتھک ڈاکٹروں کو ایم ڈی ڈگری والے ڈاکٹروں کے مقابلے میں ان کے پہلے ناموں سے بلانے کا امکان بھی دوگنا تھا۔ مزید برآں، بنیادی نگہداشت کے ڈاکٹروں کو خصوصی ڈاکٹروں کے مقابلے میں ان کے پہلے ناموں سے حوالہ کیے جانے کا امکان 50 فیصد زیادہ تھا۔

خواتین مریضوں میں اپنے ڈاکٹروں کے پہلے نام استعمال کرنے کا امکان 40 فیصد کم تھا۔

محققین نے مریض اور ڈاکٹر کے اعداوشمار کا تجزیہ کرتے ہوئے یہ تحقیق کو آگے بڑھایا جیسے کہ عمر اور جنس تاہم دیگر اور معلومات جن میں ثقافت اور نسل کو شامل نہیں کیا۔

اس کے علاوہ تحقیق میں یہ پیمائش نہیں کی کہ آیا ڈاکٹر اپنے پہلے نام سے پکارا جانا پسند کرتے ہیں یا نہیں ۔ پیغامات کا اندازہ قدرتی لینگویج پروسیسنگ الگورتھم کے ذریعے کیا گیا۔