آنکھوں کو چہرے کے آئینے سے تشبیح دی جاتی ہے جو کہ غلط بھی نہیں، لیکن اس کے گرد سیاہ حلقے موجود ہوتویہ آنکھوں کو حسن کو ماند کر دیتے ہیں۔

سیاہ حلقے کئی وجہ سے جنم لینے لگتے ہیں ان میں متوازن غذا کا نہ ہونا، نیند کی کمی، بڑھتی عمر، ذہنی تناؤ اور ماحولیاتی آلودگی شامل ہے۔ سیاہ حلقوں کے لیے بازار میں بہت سی مصنوعات دستیاب ہیں جو مہنگی ہونے کے ساتھ کیمیکل سے بھرپور ہوتی ہیں جو آنکھوں کی نازک جلد پر نقصان کا سبب بن سکتی ہے۔

 یوں توسیاہ حلقوں کے لیے بہت سے گھریوطریقے بتائے جاتے ہیں اور جو کہ کام بھی کرتے ہیں لیکن آج یہاں پرچند ایسے طریقے پیش کئے جارہے ہیں جو ان حلقوں کو نہ صرف دور کرنے میں مددگار ثابت ہوں گے بلکہ ان کا باقائدہ استعمال جلد کی رنگت نکھار کر جھریوں سے بھی پاک کر دے گا۔

آلو

الو کوچھیل کربلینڈر میں اس کا پیسٹ بنالیں، اب اسے فریج میں ٹھنڈا ہونے کے لیے رکھ دیں پھر اسے آنکھوں کے ارد گرد لگائیں اور خشک ہونے پر ٹھنڈے پانی سے دھولیں۔

بیسن اور ہلدی

ایک چائے کا چمچ بیسن، ایک چٹکی ہلدی اور چند قطرے لیموں کے رس کو اچھی طرح مکس کریں اور اسے آنکھوں کے گرد لگائیں، اسے بھی خشک ہونے پر پانی سے دھولیں۔

گرین ٹی بیگ

ٹی بیگز کو گرم پانی میں ڈالیں اور پانچ منٹ بعد نکال کر اسے ایک گھنٹے کے لیے فریزر میں رکھ دیں، ٹھنڈا ہونے پر آنکھوں پر پندہ منٹ کے لیے رکھ دیں،پھر ٹھنڈے پانی سے دھولیں۔

کھیرا

کھیرے کے سلائس کاٹ کرکچھ دیر کے لیے فریج میں رکھ دیں ٹھنڈا ہونے پر کھروں کو آنکھوں پر پندرہ منٹ کے لیے رکھیں۔

پودینے کے پتے

پودینے کے کچھ پتوں کو پیس کر پیسٹ بنالیں اب اس میں آدھے لیموں کا رس شامل کریں، اس مکسچر کو اپنی آنکھوں پر پندرہ منٹ تک لگا رہنے دیں، پھر ٹھنڈے پانی سے دھولیں، بہتر نتیجے کے لیے اسے دن میں کم از کم دو بار ضرور استعمال کریں۔

 کافی اور دودھ

ایک چائے کا چمچ کافی میں چند قطرے دودھ  اور بادام کا تیل شامل کر کے پیسٹ بنالیں، اب اسے آنکھوں کے گرد اچھی طرح لگائیں اور خشک ہونے پر دھولیں۔

ٹماٹراوربیسن

تھوڑی سی مقدار میں ٹماٹر کا رس لے کر اس میں ایک چٹکی بیسن اور ایک چٹکی ہلدی شامل کر کے پیسٹ بنالیں اب اسے سیاہ حلقوں پر لگائیں اور پندرہ منٹ بعد پانی سے دھولیں۔

ہلدی اور بادام کا تیل

ایک چٹکی ہلدی میں چند قطرے بادام کا تیل شامل کر کے پیسٹ بنالیں اب اسے آنکھوں کے گرد سیاہ حلقوں پر لگائیں انگلیوں کے پوروں سے مساج کریں اورپھر اسے کسی روئی سے صاف کر لیں۔

نوٹ: ان تمام ماسک کو استعمال کرنے کے بعد صابن یا کلینزرکا استعمال نہ کریں اور دھوپ میں نکلنے سے گریز کریں۔