ادرک کا استعمال صدیوں سے کھانوں میں مصالحہ اور کئی امراض میں بطور دوا کیا جارہا ہے۔ دنیا کے تقریباً تمام ہی نمکین پکوان کی تیاری میں ادرک لازمی جز ہے۔

تاہم سائنسی تحقیق کی بدولت ادرک کی ایسی افادیت سامنے آئی ہے جس نے اسے سپر فوڈ کی فہرست میں شامل کردیا ہے۔ ادرک کو تازہ اور خشک  جسے سونٹ کہا جاتا ہے دونوں طرح سے استعمال کیا جاتا ہے۔

ادرک میں کئی صحت بخش اجزاءکے ساتھ جراثیم کش خصوصیات پائی جاتی ہیں اسی لیے اسے کئی امراض میں بہترین دوا کا درجہ حاصل ہے۔

ادرک اپنے صحت بخش اجزاء کی بدولت مدافعتی نظام کومضبوط بنانے، جسم کی اندرونی سوزش کو کم کرنے کے ساتھ نظام انہضام کو بہتربناتی ہے۔

یہ اینٹی بیکٹیریل، اینٹی وائرل اور اینٹی آکسڈینٹس خصوصیات کی بنا پرجسم کے مختلف درد، امراض قلب اور دمہ کے علاج میں بھی مدد فراہم کرتی ہے۔

ادرک کی حیرت انگیز افادیت کو مد نظر رکھتے ہوئے جہاں ایک طرف اسے کھانوں کی زینت بنایا جاتا ہے تو دوسری طرف اس کی چائے بھی مختلف امراض میں کسی مسیحا سے کم نہیں ہے۔

یہاں پر ادرک کی چائے کی ترکیب پیش کی جارہی جو سرطان سے تحفظ دینے، جگر کو صاف کرنے اور گردے کی پتھری کو تحلیل کرنے کے لیے بہترین ہے۔ جبکہ یہ خوان کی روانی کوبہتر بنانے اور نزلہ زکام کا سبب بننے والے وائرس سے بھی تحفظ دلاتی ہے۔

ادرک کی چائے کی ترکیب

اجزاء:

ادرککی چائے بنانے کے لیے ایک پانی، ایک چوتھائی چمچ پسی ہوئی ادرک، ایک چوتھائی چمچ ہلدی، تھوڑاسا ناریل کا دودھ اور شہد درکار ہیں۔

ترکیب:

 پانی کو کسی پین میں لے کر ابالیں، پھر اس میں پسی ادرک اور ہلدی شامل کریں، کچھ منٹ تک ابلنے دیں، پھر اس میں ناریل کا دودھ شامل کر کے ٹھنڈا ہونے پر استعمال کریں۔