حسن پر کسی کی اجاداری نہیں اور حسین نظرآنا سب کا حق ہے ۔ ہمارے یہاں حسن سے مراد گوری رنگت لی جاتی ہے جبکہ حسین نظر آنے کے لئے رنگت سے زیادہ جلد کا بے داغ اور صحت مند ہو نا ضروری ہے۔

دن بھر انسان کام کاج میں مصروف رہتا ہے ،اور اپنی طرف اتنی توجہ نہیں دے پاتا لہذا رات کا وقت ایسا ہوتا ہے جس میں آپ اپنی جلد کی حفاظت کے لئے کچھ ماسک لگا سکتی ہیں۔ یہ دن سے زیادہ رات میں بہتر نتائج دیتے ہیں۔ ویسے تو بازار میں کئی اقسام کی نائٹ کریمیں دستیاب ہیں

مگر گھر سے بنے ہو ئے کیمیکل سے پاک فیس ماسک آپ کے لئے سستا ہو نے کے ساتھ بے حد افادیت بھی رکھتے ہیں۔

یہاں چند فیس ماسک پیش کئے جارہیں ہیں جو آپ کو راتوں رات گوری رنگت دے کر حسین بنا سکتے ہیں۔

اسٹرابیری ماسک

چند اسٹرابیری میش کر کے اس میں کچا دودھ شامل کریں اور اپنے چہرے اورگردن پر لگائیں اور20منٹ بعد ٹھنڈے پانی سے دھولیں ۔ یہ آپ کی جلد کی رنگت کو نکھار کر رونق دے گا ۔ بہتر نتائج کے لئےاسے ہفتے میں دو سے تین بار استعما ل کریں۔

بیسن اور ہلدی ماسک

برھتی عمر کے اثرات کوکم کرنے کے لئے یہ بہترین ماسک ہے ۔یہ ہر طرح کی جلد کے لئے مفید ہے۔ ایک چمچ ہلدی اور دوچمچے بیسن میں کچھ مقدار کچے دودھ کی شامل کر کے گاڑھا پیسٹ بنا لیں ،رات میں چہرے پر لگائیں اور 20منٹ بعد ٹھنڈے پانی سے دھو لیں ۔ بیسن چکنی جلد کو نارمل  جبکہ ہلدی ایکنی کو ختم کرکے جلد کی رنگت کو دودھ جیسی کر دے گا۔

اس ماسک کو بھی ہفتے میں دو سے تین بار استعمال کر سکتے ہیں۔