موسم سرما کی آمد آمد ہے ہوا میں خنکی بڑھتی جارہی ہے خشک موسم جہاں جلد کو متاثر کرتا ہے وہی کئی موسمی بیماریاں بھی چلی آتی ہیں ان میں نزلہ زکام اور فلوسب سے عام ہیں، ساتھ ہی ایسے افراد جنہیں الرجی رہتی ہے وہ بھی مختلف مسائل کا شکار ہوجاتے ہیں۔

تاہم دیکھا گیا ہے کہ فلو کے لیے عموماً لوگ گھریلوعلاج کو ترجیح دیتے ہیں یہاں یہ بات بھی جاننا نہایت ضروری ہے کہ فلو ہونے کی صورت میں کب معالج سے رابطہ کیا جائے۔ اگر کسی کو سانس لینے میں دشواری، سینے میں درد  یا کھانے پینے میں کوئی مسئلہ ہوتو ایسی صورت میں معالج ربطہ سے کیا جائے۔ یہاں پرفلو کے لیے  آسان گھریلو علاج پیش کئے جارہے ہیں جو فلو کو دور کرنے میں معاون ثابت ہوں گے۔

شہد

شہد مکمل غذا اور بہترین دوا ہے، چائے میں شہد اور لیموں کے چند قطرے شامل کرکے استعمال کرنے سے گلے کی خراش دورہو جاتی ہے، یہ کئی دوائیوں سے بہترکام کرتی ہے ہے۔

بھاپ

گرم پانی میں چند لونگ ڈال کر بھاپ لینے سے بھی فلومیں کافی افاقہ ہوتا ہے اس کے ساتھ ہی نیم گرم پانی کے غرارے بھی کئے جاتے سکتے ہیں جو اس ضمن میں کار گار ثابت ہوتے ہیں۔

آرام کریں

فلو کی صورت میں آرام کرنے اور رات کی گہری اورپرسکون نیند لینے سے یہ کیفیت ختم ہوجاتی ہے۔

پانی

فلو کی صورت میں ناک بہنے کی وجہ سے آپ کو اضافی پانی کی ضرورت ہوتی ہے کوشش کریں ہر 15 پانی کی دو یا تین گھونٹ پانی پی لیں تاکہ جسم میں پانی کی کمی نہ ہو۔

غذائیت سے بھرپور غذا لیں

یہ بات تو سب ہی جانتے ہیں کہ متوازن غذا کا ستعمال آپ کوکئی امراض سے تحفظ فراہم کرتا ہے ان ہی میں فلو بھی شامل ہیں اورفلو ہونے کی صورت میں وٹامن سی سے بھر پور غذا لیں۔

تاہم فلو کو نمایاں طور پر کم کرنے کے لیے کوئی دوا نہیں ہے کیونکہ فلو ایک وائرس ہے اور اس کے لیے اینٹی بائیوٹکس مددگارثابت نہیں ہوتی۔ اس کے لیے گھریلو علاج ہی بہترین ثابت ہوتے ہیں