سائنس کی ترقی کی بدولت زندگی سہل ہوگئی ہے وہی اس نے جسمانی سرگرمیوں کو محدود کردیا ہے موبائل کی ایجاد کے بعد لوگوں کی اکثریت رات دیر تک جاگتی رہتی ہے اور اسی دوران کھانا پینا بھی جاری رہتا ہے جس کی وجہ سے جسم کی حیاتیاتی گھڑی بری طرح متاثر ہورہی ہے۔
حال ہی میں کی گئی ایک تحقیق کے مطابق جو لوگ رات دیر تک جاگتے ہیں ان میں امرض قلب اور ذیابیطس کا خطرہ کئی گنا بڑھ جاتا ہے بہ نسبت ایسے افراد کے جو جلد سو جاتے ہیں۔
تحقیق کے مطابق ایسا اس لیے ہوتا ہے کیونکہ جب لوگ رات دیر تک جاگتے رہتے ہیں تو ان کا میٹابولزم سست روی کا شکار ہوجاتا ہے اس طرح وہ غذا کو جلد ہضم نہیں کرتا اور اس طرح جسم میں چکنائی جمع ہونا شروع ہوجاتی ہے جو پہلے موٹاپے پھرذیابیطس اور امراض قلب کا سبب بنتی ہے۔
دوسری جانب رات دیر تک جاگنے والوں میں میٹابولزم سست ہونے کی سبب جسم میں موجود چربی کو توانائی کی صورت میں میں استعمال کرنے کی رفتار نہایت سست ہوجاتی ہے اور ساتھ ان میں انسولین کے خلاف مزاحمت بھی جنم لینے لگتی ہے اسی لیے رات دیر تک جاگنے والوں میں امراض قلب اور ذیابیطس ہونے کا خطرہ کئی گنا بڑھ جاتا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
