یہ بات تو سب ہی جانتے ہیں کہ چہرے کی جلد کافی حساس ہوتی ہے اس پر کیمیکل سے بھرپور کریمیں اور لوشن کا استعمال اکثر غیر محفوظ تصور کیا جاتا ہے لیکن اگر جلد پر جھریاں، داغ دھبے، جھائیاں اور رنگت گہری ہوتو اسے دور کرنے کے لئے بہت سے گھریلوعلاج تجویز کئے جاتے ہیں۔

 لیکن کیا آپ جانتے ہیں کہ قدرتی اور آسان گھریلو فیس ماسک نہ صرف مہنگی کریموں اور جیلوں کی طرح ہی کارآمد ہو سکتے ہے، بلکہ کم قیمت ہونے کے ساتھ منٹوں میں تیار ہوجاتے ہیں۔

یہاں پر ایسے چند فیس ماسک بنانے کی ترکیب پیش کی جارہی ہے جنہیں محض ایک منٹ میں تیارکیا جاسکتا ہے اور یہ ماسک نتائج میں آپ کو حیران کر دیں گے۔

کیلے کا فیس ماسک

تین اجزاء سے تیار یہ ماسک ہر طرح کی جلد کے لیے موزوں ہے جو جلد کو صحت مند اور ہموار بنانے میں اہم کردار ادا کرے گا۔

اس ماسک کی تیاری کے لیے جن اجزاء کی ضرورت ہے ان میں آدھا کیلا، ایک کھانے کا چمچ نارنگی کارس اورایک کھانے کا چمچ شہد۔

کیلے کو میش کر کے اس میں بقایا تمام اجزاء کو شامل کرکے اچھی طرح مکس کریں۔ اب اسے چہرے پر 15 منٹ تک لگا رہنے دیں،پھر نیم گرم پانی سے دھولیں۔

شہد نارنگی فیس ماسک

 شہداور نارنگی کے رس سے بنا یہ ماسک چہرے پر فوری طور پر قدرتی چمک کو بحال کرتا ہے۔

اس ماسک کی تیاری کے لیے 3 کھانے کے چمچ نارنگی کے رس کو ½ کپ شہد ملا کر اچھی طرح مکس کریں، اب اسے چہرے پر30 منٹ تک لگا کررہنے دیں، پہلے اسے نیم گرم پانی سے دھوکر پھر ٹھنڈے پانی سے چہرہ دھولیں، اس کے بعد مؤسچرائیزر لگانا نہ بھولیں۔