گرین ٹی (سبز چائے) پینا بہت فائدے مند عادت ہے مگر جب اس کے استعمال کا وقت مناسب ہو۔

اگر صبح نہار منہ اس کا استعمال کرنے والے یہ جان لیں کہ صحت پر اس کے کتنے مضر نقصانات ہیں تو شاید وہ اس کو پینا ہی چھوڑدیں۔

آج ہم آپ کو صبح نہار منہ سبز چائے پینے کے چند نقصانات کے بارے میں بتائیں گے۔

قبض کی پریشانی:

سبز چائے میں ایسے ٹیننز موجود ہیں جو کہ پیٹ میں تیزاب کی مقدار کو بڑھا سکتے ہیں۔جس سے پیٹ میں درد ہوتا ہے اور ضرورت سے زیادہ تیزاب متلی کی پریشانی کا باعث بنتا ہے۔

 ایسے تمام مریض جن کو پیپٹک السر یا ایسڈ ریفلکس کی شکایت ہے تو ان کو صبح نہار منہ سبز چائے کے استعمال کو ترک کرنا چاہئیے ورنہ ان کی حالت مزید بگڑ سکتی ہے۔

خون کے مسائل:

اگر صبح نہار منہ سبز چائے کا استعمال کیا جائے تو اس سے ہمارے جسم سے پروٹین کی مقدار کم ہو جاتی ہے جو کہ ہمارے جسم میں کسی چوٹ کے لگنے پر خون کو جمنے میں مدد دیتا ہے۔

چائے اپنے اندر موجود اینٹی آکسیڈنٹ کی وجہ سے فیٹی ایسڈذ کے آکسیڈیشن کی اجازت نہیں دیتی جس کے سبب جسم کا خون پتلا ہونا شروع ہوجاتا ہے۔

آئرن کی کمی:

سبز چائے میں ایسے قدرتی اجزاء موجود ہیں جو کہ جسم میں آئرن کو جذب کرنے کی صلاحیت کو کم کردیتے ہیں۔جس کی وجہ سے ایسے لوگ جو کہ خون کی کمی کا شکار ہیں ان کو کسی صورت روزانہ سبز چائے کو استعمال نہیں کرنا چاہیئے اور اگر وہ پھر بھی کررہے ہیں تو بنا کچھ کھائے بغیر تو کبھی چائے نہ پی جئے۔

بلڈپریشر اور دل کے مسائل:

سبز چائے میں موجود کیفین ایڈرینائل ہارمونز کو تیز کرتی ہے۔جس کی وجہ سےایسے اسٹریس ہارمونز (کارٹیسول اور ایڈرینالائن) خارج ہوتے ہیں جو کہ بلڈ پریشر اور ہارٹ ریٹ کو تیز کرتے ہیں۔

طویل مدت تک جب یہ ہارمونز نکلتے ہیں تو ان کی ایک بڑی تعداد جسم میں جمع ہوجاتی ہے۔جو کہ دل کے مریضوں کیلئے بڑا ہی نقصان دہ ہے۔

جگر کے امراض:

سبز چائے کے استعمال سے جگر کا مرض بھی ہوسکتا ہے۔اس کے اندر موجود کیفین کی وجہ سے ایسے اسٹریس ہارمونز نکلتے ہیں جو کہ جگر کو خراب کرنے کے ساتھ اس کی بیماریاں بھی پیدا کرتے ہیں۔

نوٹ

ان تمام وجوہات کے بعد یہ نتیجہ نکلتا ہے کہ ہمیں کسی صورت نہارمنہ سبز چائے کا استعمال نہیں کرنا چاہیئے۔

دن میں کسی وقت یا پھر اگر نہارمنہ لے رہے ہیں تو بہتر ہے کہ اس کے ساتھ کچھ کھا لیا کریں ۔

چاہے صرف بڑیڈ کا ایک سلائس ہی کیوں نہ ہو لیکن کھانا لازمی ہے تاکہ یہ آپ کے جگر پر اثر انداز نہ ہوسکے۔