جانئیے! صحت کیلئے ’پائے‘ کھانے کے حیرت انگیز فوائد

ویب ڈیسک

21st Nov, 2022. 12:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جانئیے! صحت کیلئے ’پائے‘ کھانے کے حیرت انگیز فوائد

یہ بات تو ہم سب ہی جانتے ہیں کہ پائے میں پروٹین اور فیٹس وافر مقدار میں پائے جاتے ہیں۔ اس میں فائبر اور کاربوہائڈریٹس نہ ہونے کے برابر ہوتے ہیں۔

صدیوں سے پائے کا شوربہ بہت سے گھرانوں میں فلو، کھانسی اور نزلہ ، زکام کے علاج کے لئے استعمال ہو رہا ہے۔

بہت سے ڈاکٹرز، ہڈیوں کے ماہر سرجن اور ماہر غذائیت پائے کھانے کا مشورہ دیتے ہیں۔

پائے صرف کھانے میں ہی لذیذ نہیں بلکہ ان کے بہت سے فائدے بھی ہوتے ہیں۔

آج ہم آپ کو اپنے اس آرٹیکل میں بتائیں گے کہ تحقیق سے پائے اور اس کے گودے کے کیا فائدے ثابت ہوچکے ہیں۔

ایک جدید تحقیق سے یہ بات سامنے آئی ہے کہ جن کھانوں میں کیلوریز بہت زیادہ ہوتی ہیں وہ خون کی گردش کو تیز کرتی ہیں جس سے گرمی کا احساس پیدا ہوتا ہے جیسے کہ پائے، کلیجی وغیرہ جب کہ کم. کیلوریز والے کھانوں کو ٹھنڈی تاثیر کے کھانوں میں شمار کیا جاتا ہے۔

پائے کے فائدے

گائے اور بکرے کے پیروں میں زنک اور میگنیشیم موجود ہوتا ہے۔ اس کا سالن بنا کر کھانے سے جسم میں قوت مدافعت بہتر ہوتی ہے۔

پائے کے سالن میں موجود فاسفورس کی بڑی مقدار دانتوں اور جسم کی ہڈیوں کو قوت فراہم کرتا ہے جس سے درد بھی کم ہوتا ہے اور ہڈیاں مضبوط بھی ہوتی ہیں۔