آج ہم آپکو سبز چائے پینے کے 10 طبی فوائد بتائیں گے۔

سبز چائے کا استعمال پاکستان میں بہت عام ہے بلکہ اسے دنیا بھر میں مقبولیت حاصل ہے، سبز چائے پولی فینولز سے بھرپور مشروب ہے جو ایسے قدرتی مرکبات ہیں جو جسمانی ورم میں کمی اور کینسر سے لڑنے میں مدد دے سکتے ہیں۔

سبز چائے صرف جسم سے پانی کی کمی ہی دور نہیں کرتی بلکہ اس میں متعدد صحت بخش مرکبات موجود ہیں جو جسم کے لیے بہت فائدہ مند ہوتے ہیں۔

سبز چائے دماغی افعال کو بہتر بنانے میں مدد فراہم کرسکتی ہے جکہ طبی سائنس کے مطابق کیفین سے دماغی افعال کے متعدد پہلوئوں بشمول مزاج، ہوشیاری، ردعمل کے وقت اور یادداشت میں بہتری آسکتی ہے۔

تو آئیے آپکو تفصیل سے اس کے 10 فوائد بتاتے ہیں۔

کینسر کی روک تھام

محققین کا کہنا ہے کہ سبز چائے میں موجود پولیفینولز نامی جز کینسر کی خلیات کو مارنے اور ان کی پیش قدمی کو روکنے میں مددگار ثابت ہوتا ہے۔

سبز چائے کا استعمال کرنے والی خواتین میں علاج کے بعد بریسٹ کینسر کے لوٹنے کا امکان کم ہوتا ہے۔

دل کو صحت مند بنائے

سبز چائے میں فلیونوئڈز اور اینٹی آکسائیڈنٹس کی تعداد کافی زیادہ ہوتی ہے جو خراب کولیسٹرول کے اثرات کو کم کرنے، خون کے لوتھڑوں کی روک تھام اور شریانوں کے افعال میں بہتری لاتے ہیں۔

اسی طرح سبز چائے کولیسٹرول اور شریانوں میں بلاکیج کو کم کرتا ہے۔

جوڑوں کے درد دور کرے

خارش اور درد کی روک تھام کے لیے روزانہ چار کپ سبز چائے پینا شروع کردیں۔

ایک تحقیق کے مطابق سبز چائے میں ایسا کیمیائی کمپاﺅنڈ ہوتا ہے جو طاقتور انسداد سوجن اور اینٹی آکسائیڈنٹ کا کام کرتا ہے۔

اس سے جوڑوں کے امراض کا خطرہ چائے سے دور بھاگنے والوں کے مقابلے میں 60 فیصد تک کم ہوجاتا ہے۔

دماغی صلاحیتوں کو بڑھائے

ایک تحقیق کے مطابق سبز چائے کے دو اجزاء ایل تھیانائن اور کیفین توجہ اور ہوشیاری کی سطح میں نمایاں اضافہ کرتے ہیں۔

توانائی بخش دیگر مشروبات کے مقابلے میں سبز چائے کے استعمال سے اعصابی تناﺅ اور خلجان جیسی کیفیات میں مبتلا ہونے کا امکان کم ہوتا ہے۔

مہاسوں کو صاف کرے

ایک حالیہ تحقیق میں یہ بات سامنے آئی کہ سبز چائے میں شامل اینٹی آکسائیڈنٹس اجزاء دو تہائی کیل مہاسوں کو صاف کردیتے ہیں۔

 تاہم اس کے لیے چائے کو پینے کی بجائے ٹھنڈا کر کے فیس واش کے طور پر استعمال کرنا ہوگا۔

پیشاب کی نالی میں انفیکشن کے خلاف جدوجہد

تحقیقی رپورٹس کے مطابق دو سے تین کپ سبز چائے کا روزانہ استعمال پیشاب کی نالی کے انفیکشن کو ختم کرنے میں مددگار ثابت ہوسکتا ہے۔

الرجی سے ریلیف دے

الرجیز کا سامنا ہونے پر روزانہ کچھ کپ اس مشروب کے استعمال سے ناک کے اندرونی حصے کی سوجن میں کمی لاسکتی ہے جو الرجی سے تحفظ کے لیے مددگار ثابت ہوتا ہے۔

آنکھوں کی سوجن کم کرے

سبز چائے کے ٹی بیگ کو گیلا کر کے آنکھوں پر پندرہ سے بیس منٹ تک پھیرا یا دبایا جائے تو اس سے تھکی ہوئی یا سوجی ہوئی آنکھوں کو سکون ملتا ہے۔

دمہ کی علامات کو کم کرے

روزانہ دو کپ سبز چائے کا استعمال دمہ کی علامات کو دور رکھنے میں فائدہ مند ثابت ہوسکتا ہے۔

ذہنی تناﺅ میں کمی لائے

سبز چائے میں کیفین کی مقدار کم ہوتی ہے اور اس کے پانچ کم کا استعمال ممکنہ طور پر نفسیاتی تناﺅ میں کمی لاسکتا ہے۔

محققین اس کے لیے کسی مخصوص جز کی نشاندہی تو نہیں کرسکے تاہم جانوروں پر تجربات کے دوران یہ بات سامنے آئی کہ یہ مشروب جسم میں تناﺅ کا باعث بننے والے کیمیکلز کی مقدار کو کردیتا ہے۔