تمام ہی گری دار میوے اور بیج صحت بخش اجزاء سے بھرپور ہوتے ہیں جو آپ کو صحت مند اورتوانا رکھنے کے ساتھ کئی امراض سے تحفظ بھی فراہم کرتے ہیں۔

خشک میوہ جات کوناشتہ میں شامل رکھنا دن کی پہلی غذا کو مزید صحت بخش بناتا ہے۔ تاہم کئی پھلیاں اور اناج کی طرح ان میں بھی ایسے اجزاء پائے جاتے ہیں جسے آپ کا جسم آسانی سے جذب نہیں کرسکتا یا یہ ہاضمہ میں مداخلت کا سبب بن سکتے ہیں۔

جیسے اناج کو اگنے، بھگونے یا ابالنے کا عمل اسے مزید زود ہضم بناتا ہے اوران میں موجود  اینٹی نیوٹرینٹ کو کم کے انہیں جسم کے لیے زیادہ فائدہ مند بناتا ہے۔ اسی طرح گری دار میوؤں کو بھی بھگوکر استعمال کرنا ان کی غذائیت کو بھی مزید بڑھاتاہے۔

کیا گری دار میوے کو بھگونا ضروری ہے؟

جی ہاں! اسے بھگوکر استعمال کرنا اس لیے ضروری ہے کیونکہ گری دار میوؤں میں فائٹک ایسڈ پایا جاتا ہے ، جو پھلوں اور اناج میں بھی موجود ہوتا ہے۔ ساتھ ہی اس میں دیگر انزائمز بھی موجود ہوتے ہیں یہی وجہ ہے کہ اسے بگھوکر استعمال کیا جائے تو اسے ہضم کرنا آسان ہوجاتا ہے۔

تاہم گری دار میوؤں کوبغیر بھگوکر کھایا جائے تو فائیٹک ایسڈ معدے میں موجود معدنیات سے جڑ جاتا ہے اور آنت میں جذب نہیں ہوتا۔ اسی طرح ایک جانب تو یہ جزوبدن نہیں ہوپاتا تو دوسری جانب جسم میں اہم معدنیات کی کمی کا باعث بھی بن سکتا ہے۔ بھگونے سے فائٹک ایسڈ ٹوٹ جاتا ہے اس طرح آپ اس کی بھرپورافادیت حاصل کر سکتا ہے۔

گری دار میوؤں کو بھگونے کا طریقہ:

4 کپ کوئی بھی خشک میوہ یا بیج لیں، 1 یا 2 کھانے کے چمچ غیر ریفائںد نمک اور فلٹرشدہ پانی۔ فلٹر شدہ پانی

ہدایات:

ایک درمیانے سائز کے پیالے میں 4 کپ کچے، بغیر نمک کے گری دار میوے یا بیج لیں اب اس میں اتنا پانی شامل کریں کہ یہ اس میں آسانی سے کور ہوجائیں۔ اب اس میں نمک شامل کریں اور اسے 6  سے 7 گھنٹے یا رات بھر کے لیے چھوڑ دیں۔ پھرنمک ملا پانی نکال کر صاف پانی سے دھولیں اور خشک کرنے کے لیے انہیں کسی کپڑے پر پھیلادیں، انہیں دھوپ میں خشک کرنے سے گریز کریں۔

کس میوے کو پانی میں کتنی دیر بھگونا ہے تو اس کا درست وقت یہاں بتایا جارہا ہے۔

گاربینزو پھلیاں کو 12 سے 48 گھنٹے، بادام 12 گھنٹے، الفافہ کے بیج 12 گھنٹے، اخروٹ 8 گھنٹے، پیکن 8 گھنٹے، بروکولی کے بیج 8 گھنٹے، پائن گری دار میوے 8 گھنٹے، ہیزل نٹس8 گھنٹے، کدو کے بیج 7 گھنٹے، کاجو 6 گھنٹے، سورج مکھی کے بیج 6 گھنٹے۔

نوٹ: اگر آپ گری دار میوؤں کو 8 گھنٹے سے زیادہ بھگونے کا ارداہ رکھتے ہیں تو کوشش کریں کہ انہیں ایک بار پھر صاف پانی سے دھولیں یا ان کو بھگونے کے لیے ہر8 گھنٹے بعد تازہ پانی شامل کریں۔