ہم میں سے شاید ہی کوئی ایسا ہو جس نے آلو نہ کھائے ہوں یا وہ آلو نہ کھاتا ہو لیکن آلو اپنے فوائد کے اعتبار سے دنیا کی مفید ترین سبزیوں میں بھی شمار ہوتا ہے اور یہی وجہ ہے کہ متوازن غذا میں ہمیشہ آلو کو شامل رکھا جاتا ہے۔

غذائیت کے معاملے میں آلو کتنا بھرپور ہوتا ہے اس کا اندازہ یوں بھی لگایا جاسکتا ہے کہ اگر پکے ہوئے آلوؤں کا صرف ایک کپ لیا جائے تو اس میں 161 کیلوریز کے ساتھ ساتھ وٹامن بی 6، پوٹاشیم، تانبا (کاپر)، وٹامن سی، مینگنیز، فاسفورس، فائبر، وٹامن بی 3 اور پینٹوتھینک ایسڈ کی بھی وافرمقدارہوتی ہے۔

آلو سے متعلق آپ سب نے سن رکھا ہو گا کہ یہ وزن بڑھاتا ہے، جی ہاں، یہ بالکل سچ بات ہے لیکن اُس صورت میں جب آپ آلو تل کر، چپس بنا کر، فرنچ فرائز بنا کر کھاتے ہیں۔

اگر آپ آلو کو ہنڈیا میں پکا کر یا آلو شوربہ بنا کر کھاتے ہیں تو آلو ایک صحت مند خوراک ہیں اس میں وٹامن بی 6 اورآئرن اچھی خاصی مقدار میں پائے جاتے ہیں جو کہ آپ کے وزن کو کم کرنے میں کافی زیادہ مددگار ثابت ہوتے ہیں۔

ایک حالیہ تحقیق آلو صرف ایک ہفتے میں 6 کلو گرام وزن کم کرنے میں مدد دے سکتا ہے۔

تحقیق میں بتایا گیا کہ آلو کی خوراک کو صحت کی دنیا میں کریش ڈائیٹ سمجھا جاتا ہے اور اس حوالے سے تصدیق بھی ہوئی ہے کہ یہ واقعی وزن گھٹانے میں معاون ثابت ہوتا ہے۔

آلو سے وزن کم کریں

 آپ کو 3-5 دن تک آلو کا استعمال کرنا ہوگا اور اس کے علاوہ دوسری کھانے کی چیزوں سے پرہیز کرنا ہوگا۔

یہ وزن کم کرنے کے عمل کو تیز کرنے کے ساتھ ساتھ وزن کم کرنے والی کی صحت کو بہتر بنانے کے لئے خصوصی ڈائٹ پلان تیار کیا گیا ہے۔

اگر آپ اس غذا پر عمل کرنا چاہتے ہیں روزانہ ایک سے 2 کلو آلو کھائیں اور اس دوران کوئی دوسری خوراک استعمال نہیں کریں۔

یاد رکھیں کہ اس ڈائٹ پلان کے ساتھ ساتھ آپ کو روزانہ کچھ دیر ورزش کرنے کی بھی ضرورت درکار ہوگی۔