اسٹریلیا: سائنسدانوں نے ناک اٹھانے اور الزائمرکے خطرہ بڑھانے کے درمیان ایک کمزورلیکن قابل فہم تعلق کا انکشاف کیا ہے۔

اکثر افراد اپنی ناک کو نادانستگی میں اوپر کی جانب اٹھاتے ہیں جبکہ بچے اس عمل کو زیادہ کرتے دکھائی دیتے ہیں لیکن اب اس عمل سے باز رہیں کیونکہ یہ عام سی ایک عادت مستقبل میں الزائمر کا سبب بن سکتی ہے۔

چوہوں پر کی جانے والی ایک نئی تحقیق میں محققین کا کہنا ہے کہ ناک میں موجود ولفیٹری اعصاب دماغ تک جانے کا ایک  مختصر راستہ پیش کرتا ہے، اس میں کسی قسم کی کوئی رکاوٹ نہیں ہے ناک کو اوپر اٹھانے اور اس کی اندرونی سطح کو نقصان پہچنے کے سبب وائرس اور بیکٹیریا بآسانی اس راستے کو استعمال کر کے دماغ تک رسائی حاصل کر سکتے ہیں۔

پروفیسر جیمز سینٹ جان، کلیم جونز سینٹر فار نیورو بائیولوجی اور اسٹیم سیل ریسرچ کے سربراہ، جو کہ اس نئی تحقیق کے شریک مصنف بھی ہیں کا کہنا ہے’’ہم نے سب سے پہلے کلیمیڈیا نمونیا کا مطالعہ کیا کہ آیا یہ براہ راست ناک اور دماغ میں جا سکتا ہے۔ یہ الزائمر کی بیماری کی طرح دماغ کو نقصان پہنچا سکتا ہے تو اس کے نتائج حیران کن تھے۔

 کلیمائڈیا نمونیا (بیکٹیریا کی ایک قسم ہے جو سانس کی نالی کے انفیکشن جیسے نمونیا کا سبب بنتی ہے) نے ناک کی گہرائی اور دماغ کے درمیان پھیلے ہوئے اعصاب کو مرکزی اعصابی نظام تک پہنچنے کے لیے براہ راست راستے کے طور پر استعمال کیا۔ اس کے بعد دماغ کے خلیات نے امائلائیڈ بیٹا پروٹین کو جمع کرکے رد عمل کا اظہار کیا، جو الزائمر کی بیماری کی نشوونما کا ایک اہم پیش خیمہ ہے۔

حالانکہ یہ تحقیق چوہوں پر کئی تاہم اس نتائج انسانوں کے لیے بھی خطرناک ثابت ہوسکتے ہیں۔

اس تحقیق کے دوران سائنسدان اس رفتار سے حیران رہ گئے جس رفتار سے نمونیا نے چوہوں کے مرکزی اعصابی نظام کو اپنی لپیٹ میں لے لیا، انفیکشن 24 سے 72 گھنٹوں کے اندرمرکزی اعصاب تک سرائیت کرگیا ۔ کیونکہ یہ راستہ بیکٹیریا اور وائرس  کے لیے ناک اور دماغ تک جانے کا مختصراور تیز ترین راستہ ہے۔

اگرچہ یہ نہیں کہا جاسکتا کہ انسانوں میں بھی یہ وائرس اسی رفتارسے اثرنداز ہوں گے یا نہیں۔ اس کے لیے انسانوں پر اس کا مطالعہ کرنے کی ضرورت ہے۔

سائنسدانوں نے لوگوں کو اس بات کی تنبیہ کی ہے کہ وہ ناک کو اوپر اٹھانے اور ناک میں موجود بالوں کو توڑنے سے گریز کریں کیونکہ اس طرح ناک میں موجود بافتوں کو نقصان پہنچتا ہے جو کسی بھی وائرس کو دماغ تک رسائی کے لیے آسان راستہ فراہم کرتا ہے۔ ان باتو پر عمل کر کے آپ  مستقبل میں الزائمر جیسی بیماری کا خطرے کو کم کر سکتے ہیں۔