انار کے چھلکے کھانے کے حیرت انگیز فوائد؛ جانیے

ویب ڈیسک

03rd Nov, 2022. 07:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انار کے چھلکے کھانے کے حیرت انگیز فوائد؛ جانیے

انار کھانا تو اکثر لوگوں کو پسند ہوتا ہے لیکن کیا آپ اس کے چھلکے کھانے کے حیرت انگیز فوائد جانتے ہیں؟

اگر نہیں تو آج ہم آپ کو انار کے چھلکے کھانے کے ایسے فوائد بتائیں گے جن کو جاننے کے بعد آپ بھی اسے کبھی نہیں پھینکیں گے۔

ماہرین کا کہنا ہے کہ انار میں فاسفورس، سوڈیم، کیلشیم، سلفر، آئرن، وٹامن اے، وٹامن بی، سی، فولاد اور ہائیڈ رو کلورک ایسڈ پایا جاتا ہے جو آپ کے جسم کے مختلف افعال کو بہتر بنانے میں مدد دیتا ہے۔

جلی ہوئی جلد

اکثر کچن میں کام کرتے ہوئے خواتین کے ہاتھ جل جاتے ہیں اور رنگت کالی ہو جاتی ہے، ایسے میں اگر انار کے چھلکوں کو رات بھر پانی میں بھگو دیں اور صبح اٹھ کر انہیں جلی ہوئی جلد پر لگا لیں تو کچھ ہی دن میں افاقہ نظر آئے گا۔

برص کے نشانات

اگر جسم پر سفید دھبے یا برص کے نشانات ہوں تو ان پر انار کے چھلکوں کا پاؤڈر لگا لیں تو یہ بھی صاف ہو جائیں گے۔

ذیابیطس

شوگر کے مریضوں کیلئے انار کے چھلکے بہت مفید ہوتے ہیں کیونکہ یہ جسم میں بننے والے انسولین کو کنٹرول کرتا ہے۔

بھوک نہ لگنے کی تکلیف

اگر کسی شخص کو بھوک نہ لگتی ہو تو انار کے چھلکوں کا پاؤڈر استعمال کریں، اس سے غذا کی نالی میں موجود اضافی گیس خارج ہو جائے گی اور اس شخص کو بھوک لگنے لگے گی۔