کیا بادام کھا کر وزن کم کیا جاسکتا ہے؟

ویب ڈیسک

23rd Nov, 2022. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا بادام کھا کر وزن کم کیا جاسکتا ہے؟

ماہرین صحت کا کہنا ہے کہ بادام کھا کر جسمانی وزن آسانی سے کم کیا جاسکتا ہے۔

حال ہی میں کی گئی ایک تحقیق سے یہ بات سامنے آئی ہے کہ روزانہ 30 سے 50 گرام بادام کھانے سے دن بھر میں جسم کا حصہ بننے والی مجموعی غذائی کیلوریز میں نمایاں کمی لانے میں مدد ملتی ہے۔

تحقیق میں یہ جائزہ لیا گیا تھا کہ بھوک کی روک تھام میں باداموں سے کس حد تک مدد ملتی ہے۔

نتائج سے یہ بات سامنے آئی کہ بادام کھانے والے افراد کے ان ہارمونز میں تبدیلیاں آتی ہیں جو خوراک کی خواہش سے جڑے ہوتے ہیں جس سے جسمانی وزن میں کمی لانا آسان ہوجاتا ہے۔

محققین کا کہنا ہے کہ بادام پروٹین، فائبر اور فیٹی ایسڈز سے بھرپور ہوتے ہیں جس سے پیٹ بھرنے کا احساس زیادہ دیر تک برقرار رہتا ہے اور لوگ کم کیلوریز کا استعمال کرتے ہیں۔

انہوں نے کہا کہ باداموں کو روزانہ کی غذا کا حصہ بنانا صحت کے لیے بہت مفید ثابت ہوسکتا ہے۔