جب آپ صحت مند ہوتے ہیں تو آپ کے چہرے کی جلد بھی صحت مند اور چمکدار دکھائی دیتی ہے۔ تاہم جیسے جیسے عمر بڑھتی ہے چہرے کی جلد اپنی لچک اور کولیجن کھونے لگتی ہے جس کے نتجے میں جلد بے رونق ہوجاتی ہے۔

دیکھا جائے توکچھ غذائیں اس  ضمن میں مفید ثابت ہوتی ہیں یعنی وہ آپ کی صحت کے ساتھ چہرے کی جلد کی خوبصورتی بڑھانے کا باعث بنتی ہے اور بڑھتی عمر کے اثرات کو کم کرنے میں اہم کردار ادا کرتی ہیں۔ ان غذاؤں میں سب سے اہم غذا اسمودی ہے جو پھلوں، سبزیوں اور ان دونوں کے رس اور دہی سے تیار کی جاتی ہے۔

سبزیوں اور پھلوں کے اس خصوصی مرکب کا استعمال کرتے ہوئے صرف چند ہفتوں میں آپ کی جلد خوبصورت اور جواں نظر آئی گی۔

چمکتی جلد کے حصول میں مددگار پھل

جلد کی خوبصورتی اور صحت مند نظر آنے کا سب سے زیادہ انحصار اس میں موجود نمی پر ہے اس لیے جلد کی مناسب ہائیڈریشن نہایت ضروری ہے لیکن صرف پانی پینا ہی خوبصورت جلد کے حصول کے لیے کافی نہیں ہے بلکہ پھلوں کا خالص رس بھی اس میں اہم کردارادا کرتا ہے۔ یہاں ان پھلوں کا ذکر کیا جارہا جو اس ضمن میں معاون ثابت ہوں گے۔

سیب

 ایوکاڈو

خوبانی

 کیلے

 بیریاں

 خربوزہ

 آم

 پپیتا

 انار

 آڑو

چمکتی ہوئی جلد کے لیے اسموتھی

چمکتی ہوئی جلد کے لیے ان جزاء کو استعمال کرتے ہوئے اسمودی تیار کیں۔

اجزاء:

 2  پکے ہوئے آڑو یا بیر

  1 پپیتا بشمول بیج

 1 ٹکڑا تازہ ادرک کا

 1 کیلا

 1/2 چھلا ہوا لیموں

تازہ ناریل بشمول اس کا پانی

سجاوٹ کے لیے تازہ پودینے کے پتے

بنانے کا طریقہ:

ان اجزاء کو بلینڈر میں ڈال اچھی طرح بلینڈ کریں اس طرح ایک صحت بخش  اسمودی تیار ہوجائے گی اسے پودینے کے پتے سے سجائیں کر استعمال کریں۔ اس طاقت ور اسمودی کے استعمال سے آپ کی مجموعی صحت کے ساتھ چند ہفتوں میں جلد بھی بہتر نظر آئےا گی۔