آج ہم آپکو ایسے نسخے بتائیں گے جس سے آپ بغیر کسی پلاسٹک سرجری کے چہرے کو خوبصورت اور جوان رکھ سکیں گے۔

خوبصورت دکھنا ہر شخص کا خواب ہوتا ہے اور ہر کوئی اپنے آپکو حسین بنانے کے لئے مہنگی کریموں کا استعمال کرتا ہے جس سے اُس وقت تو فائدہ پہنچ جاتا ہے لیکن بعد میں جلد کو سخت نقصان کا سامنا کرنا پڑتا ہے۔

تو ایسے میں مہنگی کریموں کے پیچھے بھاگنے سے اچھا ہے کہ گھریلو ٹوکٹے آزمائیں۔

ٹماٹر

ٹماٹر کے ٹکڑوں کو ہفتے میں ایک بار 20 منٹ کے لیے چہرے پر رکھ کر نرم، ہموار اور نوجوان جلد کی واپسی کو یقینی بنایا جاسکتا ہے۔

اگر جلد سوجن کی شکار ہے تو ٹماٹر جوس کو چہرے پر ملیں۔

آلو

آلو جلد کو نوجوان بنانے کے لیے بہترین ثابت ہوسکتا ہے، جو کہ جلد کو جھریوں سے پاک کرسکتا ہے۔

15 منٹ کے لیے آلو کے ماسک کو ہر روز لگائیں۔

لیموں

لیموں چہرے کی رنگت کو بحال، کیل مہاسوں کے اثرات اور ایج اسپاٹس سے نجات کے لیے بہترین ہے۔

لیموں جلد کو ہموار بنانے کے ساتھ ساتھ چمکدار بھی بناتا ہے۔

اس کے لیے لیموں کے عرق کو لوشن کے طور پر استعمال کریں اور روزانہ کی بنیاد پر چہرے پر ملیں۔

کھیرے

کھیروں کا ماسک کیل مہاسوں کے علاج کے لیے بہت موثر نسخہ ہے۔

کھیروں کو کاٹ لیں اور اس کے گول ٹکڑوں کو کم از کم پندرہ منٹ تک کے لیے چہرے پر لگا رہنے دیں۔

بیکنگ سوڈا

بیکنگ سوڈا اور زیتون کے تیل کی یکساں مقدار کو مکس کریں اور اس مکسچر کو چہرے کی صفائی کے لیے ہفتے میں ایک بار استعمال کریں۔

سوڈے کا ماسک بنانے کے لیے ایک چائے کا چمچ بیکنگ سوڈا اور ایک چائے کا چمچ دہی ملائیں۔

اس ماسک کو دس منٹ تک کے لیے لگا رہنے دیں جو کہ لٹک جانے والی جلد کو ٹائٹ، مستحکم اور ہموار کردیتا ہے۔

شہد

شہد کو چہرے اور گردن کے حصے میں لگائیں اور بیس منٹ بعد گرم پانی سے دھو لیں۔

عمر کے اثرات زائل کرنے والا ماسک بنانے کے لیے شہد اور دارچینی کی یکساں مقدار کو استعمال کریں۔

ناریل کا تیل

ناریل کے تیل کو نرمی سے چہرے پر لگا کر پتلی تہہ سی بنالیں، اور پانچ منٹ بعد ٹشو سے صاف کرلیں، یہ جلد کو تازہ دم اور نوجوان بنانے میں مددگار ثابت ہوتا ہے۔

زیتون کا تیل

صبح اور شام کے وقت زیتون کے تیل کے چند قطرے آنکھوں کے نیچے لگائیں تاکہ جھریوں سے نجات پائی جاسکے۔

چینی

چینی بہت زیادہ کھانا تو نقصان دہ ہوسکتا ہے مگر یہ چہرے کی صفائی اور چمک بحال کرنے کے لیے بھی فائدہ ہے۔ یہ جلد کے مردہ خلیات کی صفائی موثر طریقے سے کرتی ہے، جلد کو نرم، ہموار اور جگمگاتی ہے۔ ہفتے میں ایک بار اپنے چہرے کو گیلا کریں اور چینی رگڑیں۔