صحت مند رہنے کے لیے متوازن غذا نہایت ضروری ہے اور اس کا مستقل استعمال آپ کو کئی مراض سے بچانے میں اہم کردار ادا کرتا ہے اسی میں دماغی صحت بھی شامل ہے۔    

 شیکاگو میں کی جانے والی ایک نئی تحقیق کے مطابق جو لوگ سبزپتوں والی سبزیاں جن میں فلیونول پایا جاتا ہے غذا میں شامل رکھتے ہیں وہ بڑھاپے میں حافظے کے تیزی سے کمزور ہونے کی شکایت سے محفوظ رہتے ہیں۔

فلیونول ایک ایسا مرکب ہے جو مخصوص پھل اور سبزیوں میں پایا جاتا ہے ان میں ایک قسم کی بند گوبھی، ٹماٹر، سیب، اور نارنگی شامل ہیں۔

امیریکن اکیڈمی آف نیورولوجی کے جرنل نیورولوجی میں شائع ہونے والی اس تحقیق کے سربراہ مصنف ڈاکٹر تھامس ایم ہالینڈ کے مطابق پھل اور سبزیوں کی زائد مقدار کھانا اور زیادہ چائے پینا ایسے اقدام ہیں جو دماغ کو صحت مند رکھنے کے لیے ایک آسان طریقہ ثابت ہوسکتے ہیں۔

ان کا کہنا تھا کہ تحقیق میں معلوم ہوا کہ وہ لوگ جنہیں پورے ہفتے میں اوسطاً سات بار یا روزانہ ایک بار ہرے پتوں والی سبزی دی گئی، ان کے دماغی کی کارکردگی میں تنزلی کی شرح 32 فی صد کم دیکھی گئی۔

تھامس ہالینڈ کا کہنا تھا کہ ابتدائی زندگی میں غذا اور طرزِ زندگی میں لائی جانے والی تبدیلیوں کے ممکنہ طور پر بہتر اثرات مرتب ہو سکتے ہیں۔

ایسا ہونے کی وجہ دماغ میں پیش آنے والی تبدیلیاں ہیں جو الزائمرز کی مطبی علامات سامنے آنے سے 10 سے 20  سال قبل ہونا شروع ہوتی ہیں۔

تاہم، انہوں نے اس بات پر زور دیا کہ صحت مندانہ رویے، بالخصوص کھانے پینے کے معاملے میں، ہمیشہ معقول ہوتے ہیں۔

انہوں نے کہا کہ طرزِ زندگی میں صحت مندانہ تبدیلیوں کے آغاز کے لیے کوئی لمحہ جلد یا دیر نہیں ہوتا بالخصوص جب بات غذا کی ہو۔