جوڑوں کے درد کی ایک اہم وجہ یورک ایسڈ کا جسم میں بڑھ جانا ہے یہ ایک ایسا تیزابی مادہ ہے جو جسم میں گرمی پیدا کرتا ہے۔

 اگر ایسی غذا کا کثرت سے استعمال کیا جائے جو جسم میں گرمی اورتیزابیت کو بڑھا نے کی وجہ بنتی ہیں جیسے گوشت اور مچھلی وغیرہ تو یہ جسم میں یورک ایسڈ کوبڑھا کر جوڑوں کے درد میں اضافہ کا سبب بنتی ہیں۔

یورک ایسڈ کو دوا کے ساتھ  کچھ غذائی احتیاط جبکہ کچھ پھلوں کے استعمال سے بھی کم کیا جاسکتا ہے۔ یہاں پر ایسے ہی پھلوں کو ذکر کیا جارہا ہے۔

قدرتی طور پر یورک ایسڈ کو کم کرنے میں مددگار پھل:

سیب

سیب میں مالیک ایسڈ پایا جاتا ہے جو خون میں یورک ایسڈ کو بڑھنے سےرروکنے کے ساتھ اسے بے اثر کرنے میں مدد فراہم کرتا ہے۔ اس لیے ایسے افراد جن میں یورک ایسڈ بڑھا ہوا ہوسیب کو اپنی غذا میں شامل کرنا نہ بھولیں۔

کیلا

بچوں اور بزرگوں کی پسندیدہ غذا کیلا جسم میں اضافی یورک ایسڈ کی سطح کو کم کرنے میں فائدہ مند ثابت ہوتا ہے۔

چیری

چیری ایک چھوٹا لیکن نہایت صحت بخش پھل ہے جو یورک ایسڈ کی سطح کے ساتھ ساتھ کولیسٹرول کو کم کرنے کے لیے بہترین ہے۔

 یورک ایسڈ کی سطح کو کم کرنا کے لیے روزانہ صرف 10 چیری کھانا کافی ہیں اکثر لوگ یہ سمجھتے ہیں کہ چیری سے بنی جیم یا کوئی دوسرا میٹھا بھی اتنی ہی افادیت رکھتا ہے تو یہ بات غلط صرف تازہ چیریاں ہی یورک ایسڈ کو کم کرنے میں مدد گارثابت ہوں گی۔

کرین بیریز

کرین بیریز کو عام طور پر ایک ایسے پھل کے طور پر جانا جاتا ہے جس میں یورک ایسڈ کے علاج کے لیے سب سے زیادہ طبی فوائد پائے جاتے ہیں۔ اگر آپ اس بیماری میں مبتلا ہیں تو کرین بیریزکو اہنی غذا کا حصہ بنائیں۔

کرین بیریز میں بہت سارے اینتھوسیاننز کے ساتھ وٹامن سی بھی موجود ہوتا ہے، جو کہ قدرتی طور پر یورک ایسڈ کو کم کرنے کی صلاحیت رکھتا ہے۔  کوشش کریں اور دوپہر کے کھانے کے بعد ایک گلاس کرین بیری کا رس پینے کو اپنی عادت بنالیں۔

لیموں اور نارنگی

اگر آپ اپنے دن کا آغاز نہارمنہ لیموں پانی سے کرتے ہیں تو یہ یورک ایسڈ کو کم کرنے میں بے حد مفید ثابت ہوگا اگرچہ آپ کو ذیابیطس یا بلڈ پریشر نہ ہو۔

اس کے علاوہ، آپ دن میں کسی بھی وقت  ایک گلاس نارنگی کا رس بھی لے سکتے ہیں۔

ان میں شامل وٹامن سی آپ کے خون میں یورک ایسڈ کی مقدار کو کم کرنے کے لیے بہترین ہیں۔ وٹامن سی ان کرسٹل کو تحلیل کرتا ہے جو آپ کے جوڑوں میں چپک کر سوجن اور درد کا سبب بنتے ہیں۔

لائم

لائم کے رس میں سائٹرک ایسڈ ہوتا ہے، جو یورک ایسڈ کا سالوینٹ ہے۔ اسے اپنی روزمرہ کی خوراک میں شامل کرنا یورک ایسڈ کی بلند سطح کو کم کرنے میں بہت مددگار ثابت ہوتا ہے۔

1 گلاس پانی میں 1/2 لائم کا رس شامل کرکے استعمال کریں بہتر نتائج کے لیے روز استعمال کریں۔

اسٹرابیری

اسٹرابیری وٹامن سی سے بھرپور ہونے کی وجہ سے خون میں موجود پیورینز کو تحلیل کرنے میں معاون ثابت ہوتی ہے۔  آپ ہر صبح ناشتے کے ساتھ اسٹرابیری کھا سکتے ہیں، یا ان کا جوس بھی پی سکتے ہیں لیکن جوس میں کسی بھی قسم کی مٹھاس یا چینی کو شامل کرنے سے گریز کریں۔

کوشش کریں کہ زیادہ پکی ہوئی اسٹرابیری استعمال نہ کریں کیونکہ اس طرح یہ آپ کے خون میں یورک ایسڈ کو مؤثر طریقے سے کم کرنے کے ساتھ  گلوکوزمیں اضافے کا سبب بھی بن سکتی ہیں۔

اب آپ اچھی طرح جان گئے ہوں گے کہ یورک ایسڈ کو کم کرنے میں کون سے پھل بہترین ثابت ہوسکتے ہیں۔