دنیا میں گندم کے بعد جو اناج سب سے زیادہ کھایا جاتا ہے وہ چاول ہے۔ چاول نہ صرف ایک سستا اور قابل رسائی اناج ہے بلکہ نرم اور ذائقہ دار ہونے کی بنا پر بے حد پسند کیا جاتا ہے۔

حیرت کی بات یہ ہے چاول نہ صرف پانی میں اگایا جاتا ہے بلکہ اسے بہت ہی آسانی سے پانی ہی میں پکایا جاتا ہے۔

 کلیئر کارلٹن ایم ایس جوکہ شمالی کیرولینا میں مقیم رجسٹرڈ غذائی اور ہاضمے کی صحت کی ماہر ہیں ان کا کہنا ہے کہ چاول غذائی اجزاء سے بھرپور ہونے کے ساتھ  قدرتی طور پر گلوٹین سے پاک فائبرحاصل کرنے کا مفید ذریعہ ہے۔

چاول کی کئی اقسام ہیں تاہم سفید اور بھورے جسے براؤن رائس کہاجاتا ہے بازار میں عام دستیاب ہیں۔ اس کے علاوہ چاول مختلف قسم کے رنگوں، ساخت اور سائز میں اگتا ہے اور ہر ایک منفرد ذائقہ اور صحت کے مختلف فوائد رکھتا ہے۔ ماہرین کے نزدیک چاولوں کی کون سی قسم صحت کے لیے مفید ہے جانتےہیں۔

بلیک رائس

چاول کی یہ قسم بازار میں آسانی سے دستیاب نہیں ہوتی تاہم چاولوں کی تمام اقسام میں سب سے زیادہ افادیت رکھتی ہے۔ اس کا صرف ایک پیالہ 10 گرام پروٹین فراہم کرتا ہے۔ اس کے علاوہ اس میں حیرت انگیز طور تمام اقسام کے اینٹی آکسیڈنٹس کی اعلیٰ سطح پائی جاتی ہے جس کی بڑی وجہ اینتھوسیانین ہے جوکہ ایک طاقتور اینٹی سوزش ہے جو اس اناج کوگہری رنگت دیتا ہے۔

وائلڈ رائس

یہ بھی چاول کی ایک صحت بخش قسم ہے جو شمالی امریکہ میں اگتا ہے یہ دوسرے چاول کی نسبت زیادہ لمبا ہوتا ہے اس میں بھی کالے چاول کی طرح  فائبرکی کثیر مقدار پائی جاتی ہے جو ہاضمے کو بہتر بنانے کے ساتھ کولیسٹرول کو کم کرتی ہے۔

براؤن رائس

بھورے چاول میں کئی طرح کے صحت بخش اجزاء جیسے بی وٹامنز، زنک اور میگنیشیم وافر مقدار میں موجود ہوتے ہیں اس میں بھی فائبر کی اعلیٰ مقدار موجود ہوتی ہے جو خون میں چینی کی سطح کوتوازن میں رکھنے میں معاون ثابت ہوتی ہے۔

وائٹ رائس

چاول کی یہ قسم سب سے زیادہ کھائی جاتی ہے تاہم یہ صحت کے حوالے اتنے مفید نہیں ہے جتنی کہ کالے اور بھورے چاول کی ہیں۔ یہ کھانے میں ذائقہ دار ضرور ہوتے ہیں لیکن ان میں غذائیت کی کمی ہوتی ہے۔

تاہم سفید چاول مصنوعی طور پر فولک ایسڈ، کیلشیم اور آئرن لیے ہوتے ہیں اسی لیے ان کی موجودگی انہیں کسی قدر صحت بخش بناتے ہیں۔