صحت کے حوالے سے پھلوں اور سبزیوں کے رنگ نہایت اہمیت رکھتے ہیں ان کے رنگ جتنے گہرے ہوں گے ان میں صحت بخش اجزاء کی مقدار اور تاثیر اتنی ہی زیادہ ہوگی۔

یوتوآپ نے پیلی مکئی پاپ کارن، بھٹے یا بے بی کارن کی صورت میں ضرور کھائی ہوگی تاہم جامنی مکئی کے بارے میں کم ہی سنا ہوگا۔ جامنی مکئی دنیا بھرمیں مکئی کا ایک منفرد رنگ لیے صحت سے  بھرپور سبزی میں شمار کی جاتی ہے۔ یہ صحت کے حوالے کتنی افادیت رکھتی جانتے ہیں۔

جامنی مکئی کو نیلی مکئی بھی کہا جاتا ہے۔ یہ ایک عام مکئی کی طرح ہے، لیکن اس کے دانے جامنی رنگ کے ہوتے ہیں اس میں نہایت طاقتور اینٹی آکسیڈینٹ، سوزش کش خواص اور کینسر سے بچاؤ کے لیے اہم اجزاء پائے جاتے ہیں۔

جامنی مکئی کی خصوصیات:

جامنی مکئی قدرتی رنگ لیے تین طاقتور اینٹی آکسیڈینٹ کے حصول کا ایک اہم ذریعہ ہے۔

فوائد:

جامنی رنگ کی مکئی مختلف قسم کے فائٹونیوٹرینٹس سے بھرپور ہوتی ہے جس میں بڑی مقدار میں اینتھوسیانینز شامل ہوتے ہیں، یہ ایک قسم کا فلیوونائڈ ہے جو جامنی، سرخ یا نیلا رنگ پیدا کرتا ہے۔ جبکہ اینتھوسیانینز ایک طاقتور اینٹی آکسیڈنٹ ہے جو  سوزش کو دور کرکے بیماریوں سے بچانے میں مدد فراہم کرتا ہے۔

کینسر سے بچاؤ میں معاون

اوہائیو سٹیٹ یونیورسٹی کے محققین کے مطابق جامنی مکئی سے نکالے گئے اینتھوسیانز نے وٹرو کینسر کے 20 فیصد خلیات کو ہلاک کردیا۔ جبکہ انہوں نے اس کا موازنہ پودوں کے مختلف ذرائع جیسے مولیاں، انگور، مولی، جامنی اورگاجر سے حاصل ہونے والے اینتھوسیانز سے کیا ہے۔

 وزن میں کمی میں مددگار

جاپان کی دوشیشا یونیورسٹی میں کی گئی ایک تحقیق میں جامنی مکئی کے اینتھوسیانین C3G کی موٹاپا مخالف صلاحیت پر غور کیا گیا۔ محققین نے پایا کہ غذائی C3G چوہوں میں موٹاپے کو روکتا ہے۔ اس لیے وہ پرامید ہیں کہ انسانوں میں بھی ایسا ہی ربط مزید مطالعات میں مل جائے گا۔