آپ کی صحت کا دارومدار آپ کے بہتر نظام انہضام پر ہے، گیس اوراپھارہ کی صورت میں جہاں یہ نظام متاثر ہوتا ہے وہی کچھ بھی کھانا پینا محال ہوجاتا ہے تاہم ایسی صورت میں کچھ غذائیں مددگار ثابت ہوتی ہیں ان ہی میں اسمودی بھی شامل ہے۔

گیس اور اپھارہ ایک ایسی حالت ہے جس میں آپ کا پیٹ بھرا ہوا اور تنگ اور محسوس ہوتا ہے ایسا گیس کی وجہ سے ہوتا ہے۔

یوں تو یہ شکایت کسی کو بھی عمر کے کسی بھی حصے میں ہوسکتی ہے تاہم بڑی عمر کے افراد خصوصاً خواتین میں یہ مسئلہ نہایت عام ہے۔

غذاؤں کی فہرست میں اسمودی کو ایک خاص اہمیت حاصل ہے کیونکہ یہ جن اجزاء سے تیار کی جاتی ہے وہ انتہائی صحت بخش ہوتے ہیں جوآپ کو صحت مند رکھنے کے ساتھ کئی امراض سے تحفظ بھی فراہم کرتے ہیں۔

اسمودی کسی بھی ملک شیک کے مقابلے میں قدرے گاڑھا مشروب کہلاتی ہے جو کہ تازہ پھل، سبزیوں، ان کے جوس، دودھ یا دہی ڈال کر تیارکی جاتی ہے۔ اس میں چینی اوردودھ کا ستعمال کم کیا جاتا ہے جبکہ ان کی جگہ بھی پھلوں اور سبزیوں کا رس اور مٹھاس کے لیے شہد کو ترجیح دی جاتی ہے۔

یہاں پرجن اجزاء کو ملا کر اسمودی بنانے کی ترکیب بتائی جارہی ہے ان میں کھجور اور کیلا شامل ہے اس طرح یہ اسمودی فائبر، پروٹین اور پروبائیوٹکس سے بھر پور ہے جوگیس اور اپھارہ سے نجات میں مددفراہم کے گی۔

اجزاء:

اس اسمودی کو بنانے کے لیے دو کھجوریں، ایک کیلا، ایک کپ دہی اور ایک چوتھائی کپ بادام کا دودھ شامل ہے۔

ہدایات:

ان تمام اجزاء کو بلینڈر میں ڈال کر اچھی طرح بلینڈ کرکے استعمال کریں۔