دماغ کو جسم کا سردار کہاجاتا ہے اور دیکھا جائے تو یہی عضوجسم کے تمام اعضاء کو کنٹرول کرتا ہے اگر کسی وجہ یہ کمزوریا بیمار ہوجائے تو جسم اپنے افعال بہتر انداز میں انجام دینے سے قاصر رہتا ہے۔

تاہم وقت کے ساتھ اس میں کئی طرح کی تبدیلیاں واقع ہونے لگتی ہیں جو اس کے افعال کے بدلاؤ کا سبب بھی بنتی ہیں۔ وقت کے ساتھ ذہنی استعداد میں کمی یا تنزلی ہونا عام ہے لیکن ایسا نہیں ہے کہ اسے روکا یا اس کی رفتار کو کم نہیں کیا جاسکتا۔

دماغ جسم کا ایک ایسا عضو جسے ذہنی مشق اورمتوازن غذا کے ساتھ جواں رکھا جاسکتا ہے اس طرح آپ بڑھتی عمر کے اثرات سے خود کو محفوظ رکھ سکتے ہیں۔

یہاں پرنہایت کارآمد 12 عادات یا طریقے پیش کئے جارہے ہیں جو وقت گزرنے کے ساتھ دماغ کی تنزلی کوروکنے میں مفید ثابت ہوں گے۔

دماغ کومتحرک رکھنے کے لیے کوئی مشغلہ اختیار کریں جس میں ذہن کو استعمال میں لایا جاسکے جیسے کوئی نیا ہنر سیکھنا اور پزل حل کرنا۔

جسمانی سرگرمیوں کو انجام دیں اور باقائدہ وزش کو اپنا معمول کا حصہ بنائیں۔

متوازن غذا کے استعمال کو یقینی بنائیں کیونکہ یہ ذہنی صحت میں اہم کردارادا کرتا ہے۔

بلڈ پریشر کوتوازن میں رکھیں کیونکہ اگر یہ توازن میں نہیں ہوگا تو یہ دماغ کو براہ راست متاثر کرسکتا ہے۔

خون میں چینی کی سطح کو توازن میں رکھیں تاکہ ذیابیطس سے محفوظ رہا جاسکے۔

جسم میں صحت مند کولیسٹرول کی سطح کو بھی اعتدال میں رکھیں۔

اپنے معالج کے مشورے سے اسپرین یا کوئی دوسری دوااستعمال کریں جو ذہنی صحت کے لیے مفید ہو۔

ہر قسم کے نشے سے پرہیز کریں جیسے سگریٹ نوشی۔

اپنے جذبات کو قابومیں رکھیں بہت زیادہ غصہ سے پرہیز کریں۔

سر کو کسی قسم کی چوٹ لگنے سے محفوظ رکھیں۔

نیند کو بہتر بنائیں روازنہ ماہرین کی جانب سے تجویز کردہ آٹھ گھنٹے کی پرسکون اور گہری نیند ضرور لیں۔

لوگوں کے ساتھ تعلقات اور میل ملاپ کو بڑھائیں تنہا رہنے سے دماغ تیزی سے بوڑھا ہونے لگتا ہے۔ دوستوں کی محفل میں گزرنے والا ہر لمحہ آپ کے ذہن کو جواں بنانے میں اہم کردار ادا کرتا ہے۔