یہ عام خیال ہے کہ خود کو فٹ اور صحت مند رکھنے کے لیے جم جا کر بہت زیادہ ورزش اور غذائی پرہیزکی ضرورت ہوتی ہے۔ تاہم ایسا ہرگز نہیں ہے آپ یہ اہداف بغیر جم کے بھی حاصل کر سکتے ہیں۔

اگر آپ ذرا سمجھداری سے کام لیں تو دن بھر میں کچھ ایسے کام ہیں جنہیں کر کے آپ بغیر کسی جم کے فٹنس حاصل کر سکتے ہیں، جبکہ اس کی سب اچھی بات یہ ہے کہ اس طرح کی جسمانی سرگرمیاںاتنی تھکاوٹ کا باعث بھی نہیں بنتی۔

یہاں پر ایسی ہی چند حیرت انگیز سرگرمیوں کے بارے میں بتایا جارہا ہے جو اس ضمن میں کافی مفید ثابت ہوں گی۔

سیڑھیاں چڑھنا

سیڑھیاں چڑھنا ایک انتہائی صحت مند سرگرمی ہے جوآپ کی ٹانگوں کی طاقت بڑھانے کے ساتھ آپ کی قلبی صحت کو بہتر بنانے کا ایک بہترین طریقہ ہے۔ یہ صحت مند جسمانی وزن حاصل کرنے اور برقرار رکھنے میں مدد کرنے میں اہم کردار ادا کرتی ہے۔

اس کے علاوہ، یہ جسم کے نچلے پٹھوں کو مضبوط بنانے اورہڈیوں اور جوڑوں کی صحت کو بھی برقرار رکھتی ہے۔

رسی کودنا

رسی کودنے سے آپ کے دل کی صحت بہتر ہونے کے ساتھ کیلوریز زیادہ استعمال ہوتی ہے، جس کے نتیجے میں وزن کم کرنے میں مدد ملتی ہے۔ یہ آپ کی ہڈیوں کی کثافت کو بنانے اور برقرار رکھنے میں بھی معاون ثابت ہوتی ہے۔ رسی کوکودنا سے ٹانگوں کے پٹھے بھی مضبوط ہوتے ہیں۔

پہاڑوں پر چڑھنا

پہاڑوں پر چڑھنا بھی ایک قلبی ورزش ہے۔ جو آپ کے دل کو صحت مند رکھتی ہے، جبکہ تناؤ اور اضطراب کی سطح کو کم رکھنے بھی مدد دیتی ہے۔ یہ ورزش سے زیادہ ایک تفریحی سرگرمی ہے،

اس طرح یہ آپ کو دگنا فائدہ فراہم کرتی ہے۔ اگرآپ اپنی کیلوریزکا استعمال کرنا یا جسم کے مرکزی حصوں کو مضبوط بنانا چاہتے ہیں توپہاڑوں پر پیدل سفر کریں۔

ٹانگوں کو سیدھا کرنا

ایک سادہ لیکن بہت ہی مؤثر ورزش ہے جس میں دیواروں کے ساتھ پیروں کو سیدھا کیا جاتا ہے۔ یہ آپ کے دماغ کو آرام دینے، درد کودور کرنے، تھائی رائیڈ گلینڈ کے افعال کو بہتر بنانے، توانائی کو بڑھانے اور کمر کے نچلے حصے میں درد اور تکلیف کو کم کرنے میں مدد گار ثابت ہوتا ہے۔