سرد موسم میں کھانسی، بند ناک اور گلے کی خراش ہونا عام ہیں جنہیں موسمی انفیکشن کہاجاتا ہے  ۔ لوگوں کی بڑی تعداد اس کے علاج کے لیے ڈاکٹری نسخوں پر عمل کرنے کے بجائے گھریلو علاج کو ترجیح دیتی ہے۔

اس کی وجہ یہ ہے کہ بعض اوقات یہ دوائیں اتنی مؤثر ثابت نہیں ہوتی۔ اور کھانسی نزلہ برقرار رہتا ہے۔

اس مقصد کے لیے جو گھریلو علاج تجویز کئے جاتے ہیں ان میں سب سے آسان اور نہایت کار آمد طریقہ گرم پانی پینا ہے جوآپ کو سردیوں کی بیماریوں جیسے کہ گلے میں خراش اور کھانسی سے نجات میں مدد فراہم کرسکتا ہے۔

گر م پانی کھانسی اور گلے کی خراش دور کرنے کے ساتھ جسم کے لیے کس طرح فائدے مند ثابت ہوتا ہے جانتے ہیں۔

جب آپ کھانستے ہیں تو ایسی صورت میں گلے پر زور پڑتا ہے جس سے گلے میں خراش پیدا ہونے لگتی ہے اور اس خراش کی وجہ سے کھانسی مزید بڑھ جاتی ہے۔

گرم پانی گلے کی خراش کو کم کرنے اور پٹھوں میں خون کے بہاؤ کو بہتر بنانے میں مدد کرتا ہے، اس طرح پٹھوں کو سکون ملتا ہے۔ اس کے علاوہ، گرم پانی گلے میں جمع ہونے والے زہریلے مادوں کے اخراج کو یقینی بناتا ہے اس طرح گلے کی خراش سے نجات ملتی ہے۔

اس کے علاوہ گرم پانی پینے سے جسم کو ہائیڈریٹ رکھنے میں مدد ملتی ہے، یہ بلغم کے اخراج میں آسانی پیدا کرتا ہے جو کھانسی کی اہم وجہ ہے۔

اس کے علاوہ، یہ مسلسل کھانسی کی وجہ سے ہونے والی رگڑ کو کم کرتا ہے۔ گرم پانی سلیری کی حرکت کو بھی بہتر بناتا ہے، منہ کے اندر سے بلغم کو صاف کرتا ہے، اس طرح آپ کو کھانسی سے نجات دلانے میں مدد ملتی ہے۔

کھانسی سے فوری آرام کے لیے کچھ گریلو علاج

ہدایات:

جب بھی آپ اپنے گلے میں درد یا کھانسی محسوس کریں تو ایک گلاس گرم پانی پی لیں۔

 گرم پانی کے گھونٹ پی کر ہائیڈریٹ رہیں جب تک کہ آپ بہتر محسوس نہ کریں۔

اپنے گرم پانی میں شہد شامل کریں یا لیموں نچوڑ لیں کیونکہ یہ کھانسی اور گلے کی خراش سے مؤثر طریقے سے نمٹنے میں بھی مدد کرتا ہے۔