آج ہم آپکو انناس کھانے کے حیرت انگیز فوائد بتائیں گے۔

قدرت نے انناس کو منفرد ذائقہ کے ساتھ حیرت انگیز خواص سے نوازا ہے۔

انناس میں کئی صحت بخش اجزاء جیسے فائبر، فاسفورس، کیلشیم، وٹامن اے، سی اور پوٹاشیم وافر مقدار میں پائے جاتے ہیں جو آپ کی مجموعی صحت بہتر بنانے میں اہم کردار ادا کرتے ہیں۔

یہاں اس رسیلے اور خوش ذائقہ پھل کے دس ایسے حیرت انگیز فوائد پیش کئے جارہے جن سے آپ ناواقف ہیں۔

جلد کو جوان بناتا ہے

 انناس جسم میں کولیجن کی پیداوار کو بڑھانے کی بھرپور صلاحیت رکھتا ہے۔

 کولیجن جلد کو لچکدار بنانے میں اہم کردار اسا کرتا ہے اسی لیے یہ پھل جلد کو پہلے کی نسبت زیادہ لچکدار اور مضبوط بنانے میں مدد فراہم  کرتا ہے۔

اس کے علاوہ انناس میں موجود وٹامن سی اور امائنو ایسڈز کی مناسب مقدارجسم کے خلیوں کے ساتھ ساتھ خراب ٹشوز کو ٹھیک کرنے میں بھی مددگار ثابت ہوتی ہے۔

کھانسی اور نزلہ زکام کا مؤثر علاج

 اگر آپ کو نزلہ زکام اور کھانسی کی اکثر شکایت رہتی ہے تواس سے نجات کے لیے انناس کوغذا میں رکھنا ایک بہترین انتخاب ہے۔

انناس میں وٹامن سی کی زائد مقدار کے ساتھ برومیلین بھی پایاجاتا ہے جو جسم میں بیکٹیریل انفیکشن سے لڑنے میں مددفراہم کرتا ہے۔ برومیلین کھانسی کو دور کرنے کے ساتھ بلغم کو بھی صاف کرتا ہے۔

ہڈیوں کی مضبوطی کا ضامن

انناس میگنیشیم کے حصول کا مؤثرذریعہ ہے جو جسم میں ہڈیوں کو مضبوط بنانے کے لیے مفید تصور کیا جاتا ہے۔

یہاں تک کہ انناس کا ایک گلاس جوس آپ کو روزمرہ میگنیشیم کے لیے تجویز کردہ غذائی مقدار کا 73 فیصد فراہم کر سکتا ہے۔

یہی وجہ ہے ہڈیوں کو تنزلی سے بچانے کے لیے انناس کو غذا میں شامل رکھنا نہایت ضروری ہے۔

مہاسوں کا علاج

یہ بات تو آپ جان ہی چکے ہیں کہ انناس میں وٹامن سی کی کثیر مقدار پائی جاتی ہے جسے جلد دوست وٹامن کہا جاتا ہے۔

جلد کے تمام مسائل بشمول ایکنی کے لیے انناس بہتر ثابت ہوسکتا ہے اس میں اینٹی سوزش اور اینٹی بیکٹیریل خصوصیات پائی جاتی ہیں جو جلد کے کئی مسائل کو حل کرنے کے لیے بہترین ہے۔

مضبوط ناخن

یہ مزیدار پھل آپ کے ناخن کو مضبوط بنانے میں مدد فراہم کرتا ہے، اگر آپ کے جسم میں وٹامن اے کی سطح کم ہے تو اس کی ایک علامت خشک اور ٹوٹے ہوئے ناخن کی صورت میں سامنے آتی ہے۔

جبکہ وٹامن ڈی کی کمی کی وجہ سے بھی ناخن کی صحت متاثر ہوتی ہے جنہیں انناس کو غذا میں شامل رکھنے سے آسانی سے دور کیا جاسکتا ہے تاہم اسے کھانے کے ساتھ اس کا رس ناخنوں پر لگانے سے بھی ان علامات کو فوری طور پر دور کیا جاسکتا ہے۔

جلد کو ہائیڈریٹ رکھتا ہے

اگر جلد میں نمی کی کمی ہوتو یہ اپنی قدرتی چمک اوررونق  کھونے لگتی ہے اور بے رونق چہرہ آپ کی خود اعتمادی کو کم کر سکتا ہے۔

لیکن اچھی خبر یہ ہے کہ آپ 3 کھانے کے چمچ پسے ہوئے تازہ انناس، تھوڑا سا دودھ اور انڈے کی زردی کو ملا کر پیسٹ بنا کر آسانی سے اس مسئلے کو حل کر سکتے ہیں اسے متاثرہ جگہ پر لگائیں، چند منٹ تک لگا رہے دیں اور نیم گرم پانی سے دھولیں۔

بینائی بہتر بنائے

 عمر بڑھنے کے ساتھ بینائی متاثر ہونے لگتی ہے تاہم آپ انناس کی زائد مقدار کوغذا میں شامل رکھ کر اس مسئلے کو کم کرسکتے ہیں۔

انناس میں پایا جانے والا بیٹا کیروٹین آپ کو طویل عرصے تک بینائی بہتر رکھنے میں مدد دے سکتا ہے۔

دمہ میں مفید

ایسے افراد جو دمے کے مرض میں مبتلا ہیں یا جنہیں اس مرض کا خطرہ ہے۔

ان کے لیے ضروری ہے کہ وہ انناس کواپنی غذا کا حصہ ضررو بنائیں کیونکہ اس میں شامل  بیٹا کیروٹین کی بدولت وہ اس بیماری سے محفوظ رہ سکتے ہیں۔

کینسر سے بچائے

انناس میں پائے جانے والے اینٹی آکسیڈنٹس کی زائد مقدار کئی طرح کے کینسر کے خطرے کم کرنے میں معاون ثابت ہوتے ہیں۔