آنکھیں ہمارے جسم کا انتہائی نازک حصہ ہیں اور اکثر سرخ ہو جاتی ہیں جس کی کئی وجوہات ہوسکتی ہیں۔

ماہرین کا کہنا ہے کہ آنکھیں سرخ ہو جائیں اور اس میں جلن ہونے کے ساتھ زرد رنگ کا پانی بھی نکلنے لگے تو یہ بینائی سے جڑی کسی بیماری کا سبب ہوسکتا ہے۔

دراصل آج کل کے لوگوں کا معمولات زندگی بدل گیا ہے، پہلے صرف ٹی وی ہوا کرتا تھا مگر اب ڈیجیٹل میڈیا کے دور میں ہر انسان کے ہاتھ میں موبائل نے اسکرین ٹائم بڑھا دیا ہے اور موبائل فون پر ہر وقت نظریں جمے رہنے سے آنکھوں سے متعلق امراض سامنے آ رہے ہیں۔

 آنکھوں سے متعلق سب سے بڑا مسئلہ جو تقریباً ہر شخص کو درپیش رہتا ہے وہ آنکھوں کا سرخ ہو جانا ہے جو عموماً آنکھ میں گرد یا دھواں جانے کے باعث بھی ہوتا ہے، لیکن یہ کسی بڑی بیماری کی علامت بھی ہو سکتی ہے۔

ماہرین کا کہنا ہے کہ آنکھوں کا سرخ ہونا یا انفیکشن ہونا اب عام ہو گیا ہے اور ہر دسواں شخص اس سے متاثر ہے، لیکن اگر آنکھیں سرخ ہو جائیں اور اس میں جلن ہونے کے ساتھ زرد رنگ کا پانی بھی نکلنے لگے تو یہ بینائی سے جڑے کسی بیماری کا سبب بھی ہوسکتا ہے۔

اور ایسی صورت میں اس مسئلے کو نظرانداز نہیں کرنا چاہیے بلکہ کسی ماہر ڈاکٹر سے رجوع کرنا چاہیے۔

اس کے علاوہ آنکھیں کئی بار الرجی کے باعث بھی سرخ ہوجاتی ہیں اور آنکھوں کا لال ہونا کووڈ کا سائیڈ افکیٹ بھی ہو سکتا ہے۔